الــوحده .. عنبــر 7

بسم الله الرحمن الرحيم




السلام عليكم ورحمة الله وبركاته



أما بعــد :



وإنّه يا خالد الداودي
....... من رحلة إطلاقي إلى أصفادي

جيتك .. وقدح السالفه بزنودي
...... وأخاااااف قلة معرفة جلادي

اللي يفسر بالخطاء مقصودي
...... ويصبح بوادي / والقصيد .. بوااااادي

والشعر فني ورّثوه إجدودي>
ليه .. وورّث هالقصيد > أحفادي


يا خالد

إسمع دام هبت نودي
......... ولو فسروها عكس ماْبغى .... عادي


اليوم أبويه بِشّر بمولودي
....... وجـاه جدي من بعيييييد ينادي

سموه: أحمد .. والله إن مقصودي
......يصبح سميٍ للنبي الهادي


ونشئت مورق للمحبه عودي
........ أحبي على صدر التعب لـأعيادي

والحي غناء .. وميلن ورودي
....... الريح كنه صار صوت الحادي

والبيت يحفظ كيف يبدء زودي
....... والحوش يرسم ضحكتي وعنادي

مْن العِشاء .. كل العباد رقودي
....... ومن فجر ربي للصلاه منادي

وللمدرسه طعم الندى بخدودي
........ أمشي وأغني : سارعي يا بلادي

قالولي الأقصى بيدين يـ هـ و دي
...... وقالولي بكره : ننتصر > وتعادي

وكل يوم أجدّد للسلام وعودي
....... وأكبر .. وتصغر رجعتي لأمجادي !

وشرهة ورودي لأحقه بارودي
....... والأظلم اللي بالخطيه بادي !!

برض الجزيره لو رسمت حدودي
........ أتعنصر الحزني وجرح أجدادي


واليوم شفني

حيلتي بردودي !!!

....... وأقصاي حن الجرحي البغدادي !


وحنيت أنا يا خالد الداودي

....... الوحدتي .. والعنبري .. وأصفادي !!









أحمد عايد






.

.

أحمـــد عايــــد ..

لاندرك إن المشاعر تتكلم إلا بعد أن نقراء مثل هذهـ المعاني ..

مازلت هُـنـا أرددها ..

أطيب المُــنــى ،،

سلمان العرادي

برض الجزيره لو رسمت حدودي
........ أتعنصر الحزني وجرح أجدادي

صح لسانك

ولاتحرمنا جديدك لاني من متذوقي قصائدك الجزلة

رائع رائع بكل ماتعني الكلمة
وسبك وحبك باسلوب السهل الممتنع
دمت بهذا الالق والتالق

الله الله
الشاعر العذب
احمد

كلك على بعضك جزل

دام وجود امثالك


ولك مني كل محبه


عبدالله

ابوشهد صافحتها صافحتها صافحتها للمرهـ, الخامسه على التوالي

ياشيخ روح الله يوفقك بكل مكان