مطايا الشعر

هذه القصيده تشرفت في القائها في زواج الأخ ماهر محمد حماد الوابصي ابن رجل العمال المعروف في قاعة تبوك الكبرى بتاريخ 17 / 7 / 1428هـ

يامطايا الشعر كونـي مستعـده وركبينـي= بعد ماظمرتك بميـدان فكـري يالأصيلـه
هقوتي بك لاتوسـدت الشـداد توصلينـي= والمسافه تقصر بمسراك لوكانـت طويلـه
غصب تقصر والوعد بيني وبينك تربعيني=الرسن بيدي والجمال عارف وش حصيلـه
خص لا صارت ببو ماهر سفير الغانمينـي= تطرب القيفان في مدحه وتبدعهـا جزيلـه
الحروف الى بغيت أكتب ببو ماهر تجينـي= تعلن استعدادها والكل منهـا يشـد حيلـه
والقلم يقول تكفـي يالحـروف تشبعيني = فرصتي بالعمر مره خايـف تعـدي بليلـه
أبو ماهر يارفيع الشـان يـاذرب اليمينـي=أمدحك ماهو بليا أسباب كل شـي بدليلـه
وقفتك بالحفل تكفي والخلايـق شاهدينـي= صرت مضرب للمثل في مدت اليمنا الطويله
باللـوازم ماتخفـا دايمـاً فيهـا تبيـنـي= تعطي المحتاج من خيرك وتفـزع للقبيلـه
ويش أقول ويش أعد ويش أوصف يامعيني= الكرم والجود والنومـاس والمـده جزيلـه
تشبه لغيثاً يعل الأرض عن غبر السنينـي= لاوقوع فيها أنبتت كل الفيافي من حصيلـه

وسلامتكم

أرجو الفصل بين الأبيات

الشاعر (بن شذيان)قصيدتك رائعه وجائت من شاعر متمكن

من الشعر ,,ومااقول الى صح لسانك وفالك التوفيق

وننتظر ابداعك القادم فلا تبخل

اخوك /ناصر العصباني

ابن شذيان ..

الحمد الله على السلامة .. ومن طول الغيبات جاب الغنايم ..
وسلمت يمينك على هذة الرائعه .. وصح لسانك ..

,

ولك خالص الشكر .
,
ابو عبدالاله .. ننتظر جديدك

:
::

ابن شذيان صح بوحك

قصيده رائعه


لاهنت

الأخ ناصر ، والأخ محمود ، وسالم التلفيه أشكركم على المرور وأنا لوكنت عنكم بعيد فمن القلب قريبين ولكم شكري وتقديري