نجم الشمري يرد علي الشاعر ناصر القحطاني

السلام عليكم ورحمه الله وبركاته

اخواني هذا الشاعر نجم جزاع الشمري يرد علي الشاعر ناصر القحطاني واليكم القصيده

بديت باللي ينيـر الكـون بسراجـه == الواحد اللي ينير الكون لا سمـر

سبحان منهو نحت للسيـل مدراجـه == مظهر نجومه ليامن الشفق حمـر

ومن بعد ذكره وردت القاف لي حاجه == وشربت لين ارتويت وخاطري زمر

وبديت سيناريو شعري مع اخراجـه == رد علي الشاعر اللي ماهو مقمر

بالله يامـودي المكتـوب رح ناجـه == وسلم عليه وتكلم باسمنـا شمـر

سلم علي الي لضيفه يضحك حجاجه == من لابه تشبع الجيعان لا ضمـر

تاريخ قحطان مثل الشمـس وهاجـه == غلطان منهو يقول الشمس تنخمر

مكتوب في صفحه التاريخ منهاجـه == مكتوب في صفحه التاريخ ومسمر

وفي حاضر اليوم شال الطيب هداجه == انا اشهد انه علي الشعار ينومـر

الشاعر اللي بيوت الشعـر تحتاجـه == ناصر لسلم الجدود الطيبه عمـر

هم منبع الطيب هم ساسه وانتاجـه == والطيب وسط البيوت الطيب ثمر

كريم برق علـي قحطـان ملعاجـه == عسي المطر علي بلد قحطان ينهمر

بديار قحطان طييـر العـز مدلاجـه == عسي النفل في فياضه كثب ومغمر

مدحت ربع ماهـم للطيـب سماجـه == والطيب مستاقد فيهـم ولاجمـر

ولاهمنـي واحـد خطوتـه منعاجـه == اعرف راع العمار من الذي دمر

وماني متحسف بشعري علي حاجـه == الا اني اروح مارديت عن شمـر

وسلامتكم

الموضوع منقول

صح لسان الشاعر وسلمت يمين الناقل
والشاعر ناصر يستاهل....
أمل قبول مروري,,,,,

سلمت,,,على النقل وتستاهل المدح قبيلة شمر وقحطان ..دمت بهذا التميز

الاخ الكريم نواف بن سالم العصباني اشكر مرورك الجميل وتسلم يمينك

الاخ الكريم ناصر سليم العصباني شكرا لمرورك الجميل ولاتهون قبيلة بلي والف نعم

صح لسانك ولسان الشاعر الجزل نجم الشمري ..

وشكراص لك لاتحافنا بهذه القصيده

هلا وغلا باطلالتك الرائعه اخ سلمان العرادي وصح بدنك ياعزوتي