ما يلومن في غلا فاتن وأمــل.... لشاعر/ علي بن صالح العصباني البلوي

اعزائي اعضاءمنتدى بلياطرح بين ايديك هذه القصه التي ارفقت بقصيدتها لشاعر / علـــي بــن صالــــح بــن علــي العصبـــانـــي البلـــوي ........................

كان لدى الشاعر عندما كتب هذه القصيده بنتين عمرالبنت الكبيرهـ حين ذاك ثلاث سنين وعمر

الصغيره سنه ونصف وكانتا متواجدات معه في احد الاماكن فقال له احد الاقارب(وش تبي به

البنات اللي بس تاخذهن معك !!!!!!! عاد صدق تغليهن؟؟؟؟؟؟؟؟فقال الشاعر اكيد اغليهن)

فكانت تلك الكلمه لهاوقعها في نفس الشاعر ,,, فصادف انه في نفس ذلك اليوم خرج الشاعر

وااخيه (بندر) الي البروكان ذلك في بداية الربيع فوجداء طائر (حجل) مع فروخه فأخذا

اخيه احد الفروخ فااصبحت الام(تروح وتجي) وتكسر جناحها بدعوه انها مصابه وتدخل بين

اقدامهم لعلهم يتركون الفرخ فلما راى الشاعر وضعها طلب من اخيه ان يتركها لي أمها فأثر هذا

الموقف باالشاعرفقال هذه الأبيات وإليكم القصيده:-

مايلومن في غلا فاتن وأمـــــــــــــل*** كود منهو ناقصن عقله سخــــــــــيف

لضنا بقلوبنـــــــــــــا أوسع محــــــل*** عن هبوب البرد ولفحات المصـــيف

مانـــتريح لــــــــــولهم شئ حصــــل*** مانذوق النوم وغطاهم قظـــــــــــيف

حبهم بأمـــــر الولي أمــــــــرا نــزل*** أيــة تقـــــراء والمصحف شــريف

ها ضني عصر امس طيرات الحجـل*** يوم اخـــــــــــــذنا فرخها حاله كليف

تدرج وتدور عنـــــدي في وجـــــــــل *** ثم تــــــــــــــــأخذ ثم ترجع له وحيف

كنــــــــه اللي صابه بعقله خلـــــــــل*** يالــــــــــــــطيف الحال منها يــالطيف

أسألوا بنـــــدر على هاك الرمـــــــل *** كيف تفرك صـــــــدرها وريشه نتيف

رق قلبي ودمــــع عيني أنهمــــــــــل*** وصحت أنا بالصوت يالطير الضعيف

هــــاك فرخك وياعسى تسلم يعــــــل*** مـــــــاتطيح بواحـــــــــد طبعه مخيف

تقبلوو تحيات
أخوكـــم/قرنــــاس

سلمت يمناك

وصح الله لسان شاعرها

قصيدة معبرة عن حالها

يسلم راسك ياابو ظميان
ولاهي غريبه عليك
تذوقك للشعر
وشكرا علي المرور العطر








اخوك/قرنــــاس

قصيده ولا اروع ..

صح لسانك ولسان الشاعر ..

قرناس مشكووور على هالقصيده الرائعه
وابو ثامر شاعر معروف وله قصايد معرووفه بس للاسف ما يحب ينشر هالقصايد
تكفى قرناس حاول تنزل قصايد اخرى له خاصه القديم منها وانا اعرف قربك منه والعلاقه اللي تربطك فيه بس همتك حنا بإنتظار جديدك .

قرناس ....
سلمت يمينك وصح لسان ابو ثامر....