نص لكم..

مابين فرقـى روح ويـومٍ تجـدد=موعد لقا ماجا على البال طاريـه
والشمس غابت بعدها الليل سرهد=وأطلق حجاجه ثم بانـت مواريـه
ياليل وشبك دايم الـدوم تجحـد=همٍ توارى فـي سـوادك وتخفيـه
ارخي لك التفكير وتقوم تشتـد=لأنته عتقت القلب ولانته بشاريـه
جاني خبـر قالـو: توفـى محمـد=ليلة خميس اللي شهقت لي بتنبيه
طفلٍ صغيرٍ كـل حلمـه تبـدد=من يوم قفّى كل الاركـان تنعيـه
آشوف طيفه يقتـرب ثـم يبعـد=وآسج وانسى ثم اصوت واناديـه
والخاطر اللي من غضى الحزن وقّد=نارٍ تحف القلب بشويـش تكويـه
والنار لامن قرّب الدمـع تشتـد=وانا احسب ان دموع عيني تطفيه
وجدار بيتـه مـن فراقـه تنهـد=يوم يتذكر كـورةٍ بيـن رجليـه
والباب والشباك وكتـبٍ تـردد=وينه محمد ياترى وش حصل فيـه
واقلامه اللي فوق الاوراق تمتـد=وهذا فراشه وذا لحـافٍ يغطيـه
والدفتر اللي يحسـب إنّـه يعـود=تبكي سطوره والمواضيـع ترثيـه
وياثوبه اللي داخـل القلب وقّـد=حزنٍ تملك فـي حشـا ام تغليـه
يالله ياللـي بالعـبـاده تـفـرد=ياللي تشيل الهـم عنّـا وتجليـه
ارحم (محمد)عـد مالطيـر غـرّد=وعداد من يسمع نـداك ويلبيـه

علي البــــلوي

الله يرحم محمد ويسكنه فسيح جناته

/
/

على سلمت وصح لسانك على هذا النص الرائع رغم الألم


ودائماً

على جميل بكل حالاته


تحياتي وتقديري

الاخ/ على /مرثيه محزنه...اجبرالله عزاك واسال الله ان يرحم محمد
ويلهم اهله الصبر

اللهم اخلف اهله بأحسن منه وادخله جنتك واجعله شفيعاًلهم يوم الحشر
وصح لسانك على هذه المرثية التي تهز المشاعر
وجزاك الله الف خير

نص .. ملئ الدموع والابداع

,

فرحم الله محمد رحمة واسعه ..
وسلمت يمينك اخي الغالي على هذا الطرح
الراقي لذي تعودناه منك ..

,

ننتظر المزيد منك
ودمت بود

ارحم (محمد)عد مالطير غرّد

وعداد من يسمع نداك ويلبيه

نسأل الله الرحمه لمحمد

والمعاويض خير

اخوي علي

تقبل مروري