ســــــلام الــلـــه

سلام الله سلام الله عـدد ماغـرد العصفور
سلام الله سلام الله عـدد ماهـل هـمالي
سلام الله يقوله صومعي من خاطراً مسرور
سلام الله من اللي لـه مقام العـز منزالي
سلام الله من اللي لا دعيته في اول الطابور
سلام الله من اللي لا وقـف للعـقـد حلالي
سلام الله سلام الله على من يسكن المنجور
سلام الله سلام الله على اهل المنزل العالي
سلام الله سلام الله على اللي صيتهم مذكور
سلام الله سلام الله على اللي قدرهم غالـي
سلام الله على راع العلـوم الطـيبه والـشـور
سلام الله على شيخاً عريب الجـد والخالـي
سلام الله على شـيخ القـبيله والعـلم منشـور
سلام الله على اللي بيرقه خفاق في العالي
سلام الله على ربعي بـلي مهما الزمان يـدور
سلام الله على ربعي من اولهم لـيا الـتالي
رجالاً في اللـقـا والملـتقـى تاريخهـم مسطـور
يورث مجـد عزتهـم و يبقى فخـر الأجيالي
رجالاً يكرمون الضيف عاده من قـديم عصـور
على وقـتاً قليل اللي ملك لـزاد والمـالي
عوايدهم على التقوى على السنه على الدستور
من اصغرهم ليا اكبرهم على شرع الله الوالي
يظـلـل ظـلهـم يـوم الـليالي والسـنيـن دهــور
هـل النخـوة هـل الفزعات رجـليه وخيالـي
على طـيب المكارم والمعـزه ذكـرهـم مشهـور
مواقـفهم تشـرف ذكرهم في كـل الأحوالـي
يخـلد ذكـرهـم ما دام في صـم الحجـر محفـور
على عـهـداً مضى تاريخ عزتهم و لا زالـي
اقوله واعتذر لوكان في بعـض الكلام قصـور
وانا اللي حايـف الدلـه ومنها ذقـت فنجالي

.



الواثق بالله


الله يبيض وجهكـ ..

وصح الله لسانك على القصيدة


جزلة ووافيـــة يالوافي

,

لك تحيــَّاتي الجزيلة


ودمت برضى

.

صح لسانك ولاهنت على هالقصيدهـ الجزله ..

سلام الله عليك يالواثق بالله قصيده جزله من شاعر جزل ونعم بالرفادات ويستاهلون المدح اللي بالمنجور واللي خارج المنجور والطيب ماهو مستغرب من أهل الطيب
وفقك الله ودمت وسلمت وتقبل تحياتي وتقديري0

الواثق

/

وواثق الخطوة يمشي مبدعاً
جزلة من شاعر جزل ..
فسلمت يمينك .. وصح لسانك
/

دمت بود

.

الواثق بالله

الله يبيض وجهكـ ..

وصح الله لسانك على القصيدة

جزلة ووافيـــة يالوافي

,

لك تحيــَّاتي الجزيلة

ودمت برضى

.

اشكرك على مرورك العطر

اتمنى لكــ التوفيق



لكـــــ احترااااااامي