مـن روآئـع الدكتور/صــآلـح الـشــآدي

الأخيره شيخة الحور وقمرهن ..
بيضهن وأحلى سمرهن ..
وأجمل أجمل من عرفت من العذاراء ..
وأكمل أكمل من مشت بين العذاراء ..
والمحال الممكن الصعب السهل ..
البعيد اللي وصل ..
وشهقة الشعر وزفيره والأخيره ..
ريحيني من أبو زيد الهلالي والملوح قيس ..
أقلبي التاريخ بعيوني تعالي وأشرقي بلقيس ..
أمنحيني بالشهر حصة غرام ..
درسيني في مجازاة الكلام ..
علميني الفرق بين المبتدأ وبين الختام ..
عافوا الطلاب جهلي وفكري المسكون حيره ..
وعفت أنا التدريس والحصه الأخيره ..
كل مهنه غير حبك يا بعد من لي سخيفه ..
أتركيني فيك أهيْم وأتركي نبضي بكيفه ..
رزقتي شوفة عيونك والهيام أروع وظيفه ..
لا تلفيني بسكوت ولا تذليني بصمتك ..
غردي يا لعن أبوها خفقةٍ ما صهللتلك ..
أنحري أرقاب الأماني والظنون ..
صبحي عيد الجنون ..
فجري بين العواذل حسرةٍ تعمي العيون ..
خبريهم من تكوني ..
خبريهم من أكون ..
ولا تهابين السيوف اللي من الغيره مغيره ..
دام باقي للأمل فرصه أخيره ..
كنك الغيمه نزلتي في مرابيعٍ خليه ..
بك تجدد روضي الذابل وشال السامريه ..
إن طلبتك حلم صرتي وإن بغيتك واقعيه ..
بالصحاري ريم عفراء بالشواطي ساحليه ..
عشتك بكل الحضاره وكل ذيك الجاهليه ..
في ليالي الصخب كنتي وبالليالي الشاعريه ..
يا بنيه يا فضا العاشق وطيره ما نسيتك وأذكر القصة الأخيره ..
أزعلي ما أقول حدك ..
سافري في كل وقت لديرة عنادك وصدك ..
أنزفيني أعزفيني عاتبيني من يردك ..
آه يا حلو العتب لا من تحدر فوق خدك ..
وآه يا زين الرضا عقب إنفعالاتك وشدك ..
لولا لحظات التغلي والتْظلمْ والظليمه
ما عرفتك يا التجلي ولا غدى للأنس قيمه ..
ولولا ذلْك يا الظما ذيك الظهيره ..
ما عرفنا عزها ولا قدرها القطره الأخيره ..
في مساحاتك يضيع الهم يرتاع برحبها ..
كنه جبال الجليد وكنك الشمس ولهبها ..
تزرعي شكواي وأطلع غنوةٍ يصدح طربها ..
تمنحي ظلماي صافي نورك الأسنى والأبهى ..
تآخذيني طفلك المطلْي شقاوي ..
تغسليني بالدموع وتمسحيني بالتلاوه ..
وتبهجي حزن السريره وأبتسم لك وأعزف الآه الأخيره ..
سامحيني لو بخلت أحيان وأحيان بكلامي ..
لهفتي لك يا غرامي دوم تسرقني لكلامي ..
ومسمعي من ثرثرة شوقي يغار ..
ومن لساني لو تغزل بك يغار ..
وداخلي ديره وشيبان قداما ودهم بالإختصار ..
والحكي ريح ومراكب لليتامى ..
ولا على أرضي بحار ..
والمعاني لص بين الناس بارع ..
والحرس في كل شارع ..
وإبتهالاتي كثيره أرتجلها بس في اللحظه الأخيره ..
من شمال أقبلت أسابق في طموحي ..
أحسب الدنيا طموحي ..
أحسب القصوى طموحي ..
أحسب العليا طموحي ..
لين جيتي وإبتدأ فعلاً طموحي ..
إنغرستي بين ما شوفه وشوفي ..
بين رغباتي وعزوفي وبين جثماني وروحي ..
كنك بصوتي الحروف الأبجديه ..
والملامح والهوية ..
والتعابير الصغيره والعشيره ..
صدقيني أنت أجمل من عشقت من النساء وأنت الأخيره ..
وأنت أحلى من عشقت من النساء وأنت الأخيره ..
وأنت أول من عشقت من النساء وأنت الأخيره ..
كل إنثى غيرك بعيني سراب ..
كل منفى غيرك إجحاف وعذاب ..
كل حبٍ غير حبك ما أبيه ..
كل دربٍ غير دربك ما أبيه ..
كل حرف ما كتب لك ما أبيه ..
كل طيرٍ ما شدى بأسمك كذوب ..
كل شاعر ما قصد لأجلك لعوب ..
وكل فجرٍ ما أشرق برسمك شحوب ..
وكل عينٍ ما قرت حسنك ضريره ..
سيرتك أغلى كتاب وبيدي الطبعه الأخيره ..
صورتك في كل صبحٍ لي جريده ..
وهجها أسرار وأشعار ونشيده ..
ورحلةٍ فوق السحاب وباقت ورودٍ جديده ..
يا ملاكٍ جاوز إدراك البشر ..
من عطا اللحن الوتر ..؟؟!
من سقا الظيء القمر ..؟؟!
من ولاء وحشة حياتي وعطر أنفاس الزهر ..؟؟!
من نثر فيني فصوله ولمني بين الطفوله والرجوله ..؟؟!
غير طيفك لا دنت حزة وصوله بالمواعيد الأخيره ..
ما عرفت إني لك أنت قبل أعرفك ..
ما بقت فيني خليه ما تعرفك ..
إبتهاجاتي تعرفك ..
إنفعالاتي تعرفك ..
إنكساراتي وذاتي وإتجاهاتي تعرفك ..
ساعتي عطري مفاتيحي وحاجاتي تعرفك ..
وكل من كان وعرفت وصار يعرفني يعرفك ..
ومن سمع عنَي قصيده لو قصيره ومن سمع أول قصيده هذي الأخيره ..
طال عمرك أو قصر ما همني ما دمت أنا عمرك ..
ما دمت أنا أمرك ..
ما دام كلي لك زمان وما دام قلبي لك مكان ..
ومادام شعري جلستك ودلالك وتمرك ..
وما دمتي في عرشي الأميره ..
كل عام وأنت بخير ..
وكل عام وأنت الأخيره .