لاترسل دواء !

! لآترســـــــــل دواء !
-------------------
*للشاعر/بندر بن ضيدان التميمي*
_______________
يـا فتّـاح ياغيّـاث ... غيّـاث يـا فتـاح
لغيرك فـلا اشكـي والنظرفيـك شبّاحـي
الأشباح كثرت وانت الأعلى عـن الأشبـاح
عزيز الجلال ومنك صخـر الجبـل ساحـي
سلامي على الإسلام وأهلـه عـدد مانـاح
حمامٍ بغـزه ..وأشعلـت هاجـس الناحـي
عدد ما شهيـدٍ ودّع أمـه وشـال سـلاح
وعدد ماشهيدٍ منه مسـك الدمـاء فاحـي
وعدد ما شجب شيخ وعدد مالعـب ملـواح
وعدد مالحق حبر الخطابـات مـن ماحـي
وعدد ما زعيمٍ ساد حكمـه سنيـن وطـاح
وعقبـه طلـع مليـون صـدري ونباحـي
وعدد ما تفجر مـن صهاريـج نفـط وراح
مبعـوث سلـم لمجلـس الأمـن صياحـي
نخر عظمنـا التكبيـل والأسـر والسيـاح
لذى جيـت مـن هـم بالأظـلاع طفاحـي
وحملي رساله كان باقـي عقـول صحـاح
من هجوس غـزه مابقـى شـي ماباحـي
تقول : البكاء ماانتج وصدري نجض ما فاح!
لذلـك عيونـي دمعـهـا ودّع وزاحــي
لا تبكي علـى ماصـار!! دمّ ويبـي ذبـاح
وإذا فزعتك بالدمـع ..!! صـوره لاطاحـي
لاترسل دواءكبرت جروحي علـى الجـراح
لكن مدنـي بسـلاح .. وأبـرى لجراحـي
ولا تغيثني بأكلـك ..وأنـا أقليمـي التفـاح
لكـن غيثنـي بمليـون سـرجٍ وسباحـي
ولا أبيـك تستنكـر ولا تشـذّب السـفـاح
أبـي وقفتـن منهـا هـل قبـور ترتاحـي
أبي كان عنـدك جيـش طالبـك لايرتـاح
مايكفيه مـن يومـك تجيشـه مرتاحـي!!
علـى أقـل تجهيـزٍ ليـوم بـه المسبـاح
إذا إنفـرط ياجيشـك مجهـز وصـاحـي!
هنا وإنتهى . بس ما أنتهى الليل يا وضـاح
نبي ننتظـر هـا الحـد والسـور ينزاحـي
ولا ني ترى ارهابي او امشي مع الإصـلاح
ولا ني مـع اللـي بشتـه سنيـن فواحـي
انا معك ياغـزه وعاجـز عـن الإفصـاح
لساني عجز عن وصف ماشفـت وجراحـي
نبـي ننتظـر والمهـدي المنتظـر مـا لاح
له بروق والا القفل لـه يـوم بمفتاحـي !!
حسبنا الله ونعم الوكيل
::

صح لسنك اخوي حماد بيض الله وجهك

قصيده رائعه صح لسانك

صح لسنك اخوي حماد بيض الله وجهك

***

*بارك الله فيك*
*وشكراً جزيلاً لك*
*ووجهك ابيض*
*وفقك الله*

قصيده رائعه صح لسانك

***
*بارك الله فيك
وصح لسان شاعرها

وصح عمرك

*وشكراً جزيلاً لك ،
مع تحياتي، وتقديري*

مشكور اخي العزيز على
القصيده الرائعه