مهما أبتعد لا بد لي من العوده الى هنا

نص متواضع أتمنى أن ينال منكم الرضا
_____________________
-________


عليك الله ياجور الزمان وقسوة الآيام
يافقر المال ياكل الهموم ولهفة المحروم

<وش بيدي وقف حظ الفقير وماتت الأحلام>
تبخر كل حلماً قد حلمته والهنا المزعوم

متى لي معك ياعنف العجاف وصورة الاقدام
تباريح الهوى المضني وحباً بالحشا مكتوم

متى لي معك ياسود الليال وجفوة الأرحام
متى لي معك ياعسر الظروف وقسوة المقسوم

سريت مع الهجوس وكل يوماً والظروف جسام
ولكن يالله أنك تفرج الكربه عن المضيوم

سهير الليل أنا ومثلي وخالين الهموم نيام
ولا سهران معي الا القصيد وقدره المحشوم

أليا مني تضايقت أنتخيته ثم فز وقااام
وقوف رجال لامن وصلت النخوه وجيه قروم

أفرج به هموماً من ظلوعاً للجزيل حيام
نطلع في سما جزل المعاني والقصيد نجوم

بدينا وانتهينا والهموم وقسوة الأيام
تقلبنا على بطن وظهر والله مع المظلوم