خش في الموضوع

لاتلمّح خش في الموضوع يامحلا الصراحه=لاتجاملني وخذ مني تفاصيل الحقيقه
المثل قال الصراحه بين كل اثنين راحه=وانت ماصارحتني شف خاطرك مشحون ضيقه
طير مايقدر يطير اكيدمكسوراً جناحه=ليه ياطير الوفى طير السعد ظيّع طريقه
تدري اني في بحور الضلم ماجيد السباحه=ماخبرت اني ظلمت انسان لواني ماطيقه
وتدري ان الخوه بقلبي لها اكبر مساحه=وتدري اني ماني من اللي تخلى عن رفيقه
وتدري ان من الوفى صاحبك لاتنبش جراحه=وانت حيرته بوضعك لين مانشفت ريقه
نهر مابيني وبينك ليه متعكر قراحه=ليه تسمح للعواذل عذب مكنونه تويقه
فرصة العوده لسابق عهدنا ماهي متاحه=الخواطر كسرها وجروحها دايم عميقه

عبدالله الوحيشي

عبدالله الوحيشــي ..

كنت انتظرك فحللت نعم كنت انتظرك ياعبدالله ..

جميل هذا الطرح وهذا البوح الجميل ..

أطيب المُــنــى ،،

سلمان العرادي

صح لسانك ابو سليمان

ودمت بهذا الشموخ

** هلا وغلا بك..
ياشاعرنا الجميل والقدير/عبدالله الوحيشي**

وصح لسانك .
. ودمت لنا..أيها النبيل.
.فلك تحياتنا وتقديرنا..ودمت لنا بخير وعافية وراحة بال.
.وكل عام وأنت بخير.

الاخ /عبدالله ..ماجمل مفردات الشعر عندما تاتي من شاعر كبير

ورائع مثل شخصك ,,,,دمت بهذا الشموخ
اخوك/ ناصر العصباني

صح السانك ابوسليمان

ولاهنت