مصافحة أولى (بدون عنوان)

بسم الله الرحمن الرحيم

الإخوة في منتديات بلي يسعدني ويشرفني إنضمامي لهذه الكوكبة

أقدم لكم نص عل وعسى ان ينال على استحسانكم ورضاكم

سلام الله سلام(ن)فيه من طيب الرجال مثال=على أهل العز وأهل المجد وأهل الطيب والطاله
وعلى اللي يسمع العلم ويثمن منطق الرجال=ليا من قال له كلمة تحدد شكله وحاله
أنا من عادتي مشكي هموم القلب والغربال=ولو جار الزمان اللي دمر كل شين غرباله
لأني مقتنع بن الحموله مالها إلا جمال= ولأني من صغر سني أقول الوقت وأفعاله
ولكن للأسف بعض المواقف تخذل العقال=تحول كبتها للاشعور وشفت هماله
محمد ودي افضفض بهم(ن) وسط صدري جال=بهم(ن)ماخلق زيه ولاصدري تهياله
محمد إسمع العلم ويجيك العلم بالتفصال=محمد ناظر الدنيا وقل وش أعظم رساله
محمد ناظر الوادي وقلي كم سنه ماسال=محمد شوف هاك الضلع معاد يضلل ضلاله
محمد شوف هالدنيا إكرهتني والسنين طوال=محمد شوف يومي كيف يشح النور بوصاله
محمد شوف وجه العار يمشي بيننا يختال= محمد كنه يقول الزمن ملعون رجاله
محمد مابقى بالصدر لجروح الزمن مدهال=محمد مابقى الا شي واحد ينعش أماله
محمد دام مانقوى لرد المنكر البطال=تعال نسافر لمكة وندع الله ونساله

[center]وسلامة قلوبك