شفت الحظوظ انواع فـي ساعـــة الضنـــــك

يا الحظ يوم الجود بالخـير ديدنـك = اقـــول لك مليــون لله درك
ون كان شفت ان الردى حاصلن منك = الله يكفيــني تجاريب شرك
الله يكفيني خطاياك ومحنك = ويجعل تباشير الفرج برد حـــرك
ويجعل اصيل الجود صافي معادنك = ويزيد مجهودي بمجهود برك
اما تصاريف القدر خلّها عنــك = للواحـد العالــم بجهرك وسرك
بس المهم اتشوف عيني محاسنك = واشوف في روس العـوالي مقرك
شفت الحظوظ انواع في ساعة الضنك = حظ ٍ يشد ازرك وحظ ٍ يغرك
حظ ٍ على كل المساعي يعاونك = مثل الشجاع الى نخيته يســــــرك
يجيك نفعــه جا لس ٍ في اماكنك = فــي كل ساعــه له نفوع ٍ تمــرك
وحظ ٍ ولونك حي بالفقر يدفنك = ويمكن على درب المهالك يجرك
وحظ ٍ يحط الشوك من تحت فرسنك = منشان في درب الهواء ماتحرك
وحظ ٍ قليل الفايده في مواطنـــــك = ما ينفعـك با لعمر ولا يضـــرك

وســـــــلامتكـــــم

الأخ الشاعر عيد الوابصي

مبدع اينما كنت واينما تواجدت

لك الاحترام والتقدير

وسلامتك من الحظوظ الشينة ..


صح لسانك ..

وطيـَّب الله فالك

عيد بن قيضي

تحية من القلب

قمة تربعت عليها ومازلت محافظ بجلوسك على القمة

وياجعل حظك فوق دايم يابن قيضي

وسايق عليك الله لو تجي تبوك تمرني

وتقبل اعجابي

دائماً قصائد أهل الساحـل لها طعم خاص

ولايهونون الباقين

صحـ, لسـانك يابوكرمـ, الصراحهـ, نصـ, قمّه قمّه

وعسى حظوظكـ, دايماً عالقمّـهـ,
.

الشاعر ابن قيضي كفو دايم قصايدك رايعه الله لايعدمنا الشاعر وقصايده



تحياتي لك يابوقيضي

ابو فارس