عمم عقالات

عمم عقالات

فى سوق الحد سوق لتنين
نخاسين
حاجات تنباع
ومين بياع
ومين ع السكه متربع
خرايط ويل
عرايس من كتاب الامس
بتتجرد من العناوين
كهارب قلبك المجروح تروح على فين
علوم الحاضر الاتى
على فراتى
ودجلة دم اورادى
حبال منصوبه مربوطه على الرقبه
تبرطع عسكر السلاطين
تدق فى قمحك الدبلان
ومين نعسان ومين غلبان
ومين ضايع
عمم عقالات فى وسط رماد
شيلان بتنكس الرايه
ومين هايفسر الايه
بنات بتضيع
وكله صريع
وطفله اتنعكشت خلسه
قصور ولوالى مختلسه
وسوق بيفض
وطن بيجض ع الطرقات
وكله اوعاد
قميص الرحله متعلق
على بلكونة الفتوحات
ونزلت تشرب الامجاد
ماهيش طالعه
نخيل واشجار اهى والعه
ووسط الزفه مؤتمرات
مع قرارات وتصريحات
بنملك احنا تنديدات
وشجب ونطر
وبمب يدب ع الاسفلت
نموت ونفرقع الفراقيع
فى جمر وسيع
وصحرا الروح اهى عاصفه
وام العركه اهى راجفه
وابو النياشين بتلثم
ويتعلسم
وديك ابوعرف فى الاقفاص
على الاوناش
ويدخل فار
يشد فيران
يخشوا قبور جماعيه
واسد بانيابه فى السرداب
سك الباب وما تسكوش
يدوروا يدورا ما يلاقوش
وهايلاقوا
ومسيلى على هولاكو
ياخلق ياهو دالولاكوا
ماكات القطه هاتخربش
ولا فى اكوامنا يوم تنبش
ماعدش اشناب
وهز كتاف
تعالى ياحلوه نتونس
خلاص الدم هايعنس
ولا نتلم
فين السم
ماعادشى يهم
بقى بالزم
انا استاهل
صروح الخزى
انا كان حقى ع المنبر
اعلى الصوت واتمخطر
ولا ع البال وكان يخطر
لكن اخطر
قصص اعمامى تتكدر
ياخلق الطلق مش منكر
نطاطى الراس ونتشكر
مهيب الركنفى اركانه
تعالوا نداوى اشجانه
فيمكن ترجع النشخه
سنين المرجع: لا عاد ينفع ولا بيضر
ياريت قبل الدخيل ما ير
يصطادنا فى بحر وبر
نروح للضل
خلف التل
نتصعب
ونضرب كف فوقه كف
ولا عمره النشيد الناشع الساطع
فى دمه يجف
ولا عمره لدمانا يمل
ولا حبله فى يوم ينحل
اكيد بيضيق الخنقه
وسند وهند مشتركه
بايدين الخل
اكيد الحلقه طايله الكل
اكيد الحلقه طايله الكل
دى حلقة فل

أهلا و سهلا بك أخي الكريم بيننا

ننتظر منك المزيد من المشاركات

شكراً لك

أشكرك ربنا يوفقك وننتظر المزيد

وصح لسانك

الله يحييك بيننا وياهلا

وفالك التوفيق

الاخ الشاعر محمد عبدالقوي حسن

بداية مرحبا واهلا وسهلا بك في منتديات قبائل بلـــــــــي ضيفا عزيزا بيننا

لاشك وجود شاعر قدير مثلك سوف يثري قسم النثر بما يليق بهذا الشعر الجميل

فأهلااااااااا بك

وحياك الله

الله يحييك بيننا ومرحبآ بك
اشكرك وننتظر منك المزيد