حـوسـة البنات بالعروس

لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود

فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

********** *********

ثم يهبون الى غرفة العمليات

فتحصلهم مايخلون مراية في حالها ..

** فتلقى منيرة عند مراية التسريحة تتمكيج

** وخلود عند مراية الدولاب تركب عدساتها

** ورقية عند مراية المدخل حق البيت تستشور شعرها

** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ

** ورغد تترجى اخوها : تكفى ود فستاني للمغسلة

وقول لهم يخلونه مستعجل

** وابتسام متوهقة مالقت الحلق اللي يناسب لون فستانها

** وشوق تقول لاخوها : تكفى مر على جارتنا

وخذ من عندها الاكسسوار التفاحي

** وهنوف .. انفرط سحاب فستانها .. وتبي الخياط يصلحه

<<< والله من السمنة الزايدة

********** *******

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

********** ********** ********** ******

بعد ذلك .. يركبون السيارة بعد ما بح صوت ابوهم

وهو يناديهم ..

** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت<<<وي عصب ويقول وراي مبارات

********** **********

وبعد عناء طويل يصلون الى القصر ويدخلون

********** ********

ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي

********** ********** **

ثم يتوافدون الى المسرح .. وشف كيف

** اللي تحط رجلها من شرق المسرح الى غربه

ولا احد يدري اش بلاها

**********

**

********** ********

وتعال شفهم اذا غنت الطقاقة .. ( يالتاكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

********** **

وطبعا العجايز منصدمات .. ومافيه الا قوة دعاوي على هالبنات

********** ****

واذا جت الزفاااااه قالوا البنات هااااه حلو المعرس (ايـــه)يهبل
يؤيؤيؤ ما شفته زين

********** *

والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )

<<< وهم في الحقيقة .. لم يركبوا حصانا قط ..

بس يالله لزوم المدح

واذا جاء وقت الطلعه للبيت <<يؤيؤيؤ يؤ يمه مانبي نروح البيت ما فيه احد راح خلينا نجلس شوء

<<<<<وتوافق الام بعد ما نشبن في بلاعيم بلعومها ((هههههههـ ))

طبعآ الباقي انتم تعرفونه لمن يرجعون البيت

و الله هذا الواقع المؤلم للحريم الوحده تقوم الدنيا و تقعدها عشان مناسبه

جميل سردك للموضوع وهذا الواقع
الله يخارجنا
ويعطيك العافية

يعطيك العافيه موضوع فعلا واقعي وممتاز اشكرك

ههههههههه

يعطيك العافيه

خخخخخخخخخخخخخخخ

سرا .. ورا .. هز يا وز ....ارقصي يا بطة

هذي نقطة من بحر .... كيف عاد لو رجعوا للبيت كل وحده شالت شريحة جوالها من العنيد وحطتة في جوال الكاميرا وهاتك حش وسوالف وتلفونات واذا جاء وقت النوم مايمدي تحط راسها الا وهي بسابع نوووووومه خخخخخخخخخخخ

بعدين اخوي الجريح بلاك ماهو بيوم الزواج المشكلة قبله بعدة ايام فستان جديد وجزمه الله يكرمكم على نفس اللون وعدسات بلون الفستان اااااه بس معااااناه الله يعينهم ...

الجريح

الف شكر لك يالغالي ....