لعبة الصولجان

بين كبرالهقاوي واختلاف الزمان=ارتكيت بشموخي للحمول الثقال
صرت الاعب زماني لعبة الصولجان=لاعطاني مجال ولاعطيته مجال
احتميت برصيدي عن خفايا المكان=واحتمى بالتلوي والطروق الطوال
المعرفه سلاحي والكرامه حصان=والنقى رأس مالي يوم لي رأس مال
قلتها للعزيز اللي رضا بالهوان=راحت أيام عمره بين روح وتعال
قام يندب زمانه من مكان إل مكان=نوب يكتب قصيد ونوب يكتب مقال
مالحقني ملامه من عريض البطان=من ترخت حباله لايدور حبال
عارفين اللوازم بالخفى والبيان=ونعرف أهل الدروب العوج والاحتيال
مانجي بالسوالف والعلوم السمان=علمتنا النشيفه كل طرق الرجال
علمتنا طريق العز والآتزان=لين صرنا لكل الناس مضرب مثال
ودام مثلي شعارك بالله المستعان=لاتلفت يمين ولاتلفت شمال
سوقها للنقى وامسك بيدك العنان=لاتروم السهل طالع لروس الجبال
صيت الآجداد لاترميه وسط الدفان=احترص مثل حرصي عن كلاماً يقال
صيتنا مجدنا عند اللوازم يبان=مايضاهيه مجد ولايثمن بمال
والليالي شواهد للرجال الذهان=والقصور العوالي في ذراها ظلال
والزمن يكسراعزوم الضعيف الجبان=ولايغير قناعاته كريم السبال
قلتها لجل أسمعها فلان وفلان=يمكن احروفها تشرح جواب السؤال

سعــد السرحاني

ماشالله تبارك الله . الله يزيدكـ

عز الله أنكـ، وفي من وفيين وفيت وكفيت.

سعد السرحاني

صح السانك
قصيده جميله
تحيتي لك

الشاعر الجزل

سعد السرحاني


سلمت وصح لسانكـ على هذه القصيده الشامخه كشموخ صاحبها

فحقيقه : لا اخفيكـ اعجابي الشديد بها لكونها تحمل ( رساله ) .. اتمنى ان تصل ..

س

ع

د
لله دركـ ياسعــد .. فأنت مكسب للشعر

تحياتي وتقديري

وكل عام وانت بخير


* عايد السميري

الأخ / الشاعر / سعد السرحاني ( أبو نادر )

عوداً حميداً

و أهلا و سهلاً

كل عام و أنت بخير و تقبل الله منا و منك صالح الأعمال

.

أخي الغالي هل تسمح لي بالتعليق / القصيدة / اعتبرها رسالة خاصة 00 غير قابلة للنشر00 لو كانت منك للمرسل إليه مباشرة


مع جزالة القصيدة

.

قصيدهـ رائعه
.
وذات رونق خاص
.
ورســـاله ساميه ..
.
صح لسانك .. وسلم بنانك
.
ونتمنى لك التوفيق والسداد
.