مجــــرم العشاق

فوق الخطر عايشت حلمٍ من العلم = تحت القمر والليل ينعشك ذعذاع



باول طلوع سهيل والسيل له ولم = واحه سقاها السيل في مقحط القاع



ضوضا المدينه ضجة الحرب والسلم = ماحركت ساكن مسا طب الاوجاع



غير بنغم جارح به الجور والظلم =مع مجرم العشاق ماع الذهب ماع



كني له مصور وهو مشهد الفلم = صرت السفينه والقصايد لي شراع



تكلمت خرس الأحاسيس والبلم = عزاه للي بالبخت ماله ذراع



لو هو من اصحاب التقاليد والسلم = ماله مع الوقفات شوطٍ ومقطاع



فازوا بها زلم الغنادير والغلم = والا اكثر زحول العرب مالهم باع



احذر من الثنتين لايثلمك ثلم = سيف الهوى قتال والوقت قطاع



مطلاعنا ياعنك هو علم هو حلم =مدري ولكن كان ياوي مطلاع

سعود بن كايد البلوي

ابو نايف صح لسانك ولسان الشاعر سعود كايد البلوي

قصيدة رائعة

الاخ العزيز ابو نايف

صح لسانك ولسان الشاعر سعود كايد الذي نتطلع الى انضمامه الى هذا المنتدى الشامخ وابلغه سلامي واخبره بذالك
واين القصيده الذي القاها شاعرنا في حفل ولي العهد في حفر الباطن

دمت بود ابا نايف

ابوكايد
هذا الابداع ماقول غير صح لسانك
شاعر بكل ماتعنيه الكلمه من معنا
تشرفنا بوجود قصائدك بهذا المنتدى



ابونايف
لك كل الشكر على انزال هذه القصيده
وشكرا

تسلم على هذه القصيدة
وصح لسانك ولسان الشاعر سعود كايد البلوي

السلام عليكم ورحمة الله وبركاته


ابو نايف يعطيك العافيه وصح لسانك

وصح لسان الشاعر
سعود كايد المساوي

قصيده جزله ابدع فيها شاعرها كما عودنا دائما على نثر ابداعاته وقصائده الرائعه