قصيده بعنوان خاتم الماس

هذه قصيده لشاعر المواهيب المتألق والمبدع الشاعر / مقبل بن سليم الميهوبي البلوي

يانجم يااللي في غياهيب الادماس=بين انجوم الساهرات العوالي
سقت النظر صوبك بعد هجعة الناس=والعين مع سوقت نظرها طرالي
الهاجس الغايب والأنسان حساس=يروح تفكيره جنوب وشمالي
انا الذي لادق بالقلب هوجاس=اطلقت للافكار واسع خيالي
ماجال فيه البال ياهومة الراس=سريت مع مسراه ورتاح بالي
لوالمصاعب دون الاهداف حراس=تطول هقواتي صعيب المنالي
الصدق برهاني والامثال نبراس=اقول والواقع يبرهن مقالي
والا الكلام الي يجي دون مقياس=يفتح علينا للملامه مجالي
يوم الحياض بحامي القيض يباس=هداج ميرادي اليا طاب فالي
ماني رجاوي كل ماهب نسناس=اسعى ورا اللي ماله اول وتالي
ذبح الرجا لاصارفي خنجر الياس=يرخص نزيف الدم لو كان غالي
اما لو المطعون من رمح جساس=ماتحول دون الثار سود اليالي
اجيال يطلع بعدها جيل ذو باس=مثل السيوف المرهفات الصقالي
تسلطنت روس النوادر على ساس=ماهي سوالف مش حالك وحالي
ياناقش الذكرى على خاتم الماس=ذكرتني بالخاتم اللي غدالي
ماغيبت عيني عنه ساعة نعاس=ولا ضاع واسباب الضياع اتكالي
اللي غدابه داخل الموج غطاس=يوم البحر يصفق على كل جالي
واليوم لو صبح الفرح دق الاجراس=عن مكسبي رضيت في راس مالي
صار الزمرد والذهب كنه نحاس=ماشاقني يامدورين الكمالي
جاب الخبر ولا غدا فيه عساس=ماتبكي عيوني نهار الرتحالي

الف الف الف شكر ياابن الشمال

وصح السان الشاعر الكبير والقدير مقبل سليم

فعلن اتحفتنا ونتمنى المزيد من قصائد الشاعر المتميز مقبل

وتحياتي للشاعر مقبل

الشاعر مقبول الميهوبي


شاعر جزل وصاحب قصائد متميزه دائماً


لك الشكر لاتحافنا بها


أطيب المُــنــى ،،


سلمان العرادي

اشكر ابن الشمال على هذا النقل المميز كما انني اشكر الشاعر الكبير مقبل الميهوبي واتمنى له التوفيق وان يسعدنا بكل جديد



ابراهيم صالح حمدان المنصوري

صح لسان الشاعر المبدع

وشاكر لك نقلها لنا

مقبل بن سليم الميهوبي البلوي
صح لسانه
ابن الشمال شكراً