جاهـل ... كــبـيــر

يسعد مسائكم وجميع اوقاتكم




يسعدني التواصل معكم من خلال هذا النص




واتمنى ان يحوز على الرضا

يا رفيقي لو على أفكاري حصار...؟=ما تخيلت إني البارح وزير...!
شي عادي ..لا ضرر ولا ضرار..=حتى لو أتخيّل إني صرت أمير ..!
أكثر اللي حولنا أصلا مستعار=خلنا مّما يُخيّل نستعير
وكان ما تبغا تخيّل لا تغار=يمكن أتخيّلْك لي عبد ..وتصير
لو تضايق ما ني بقايل مجار=من عرفتك صاير.. وملعون صير
يا رفيقي خلنا بجو الصغار=اغتنم عمرك ترى عمرك قصير
وان تخيلتك من طوال العمار..؟=ليّه إتخيّل معك كرسي وثير..؟
الجنون ..أول طريق الابتكار=بس أخاف أكون مجنون وضرير..
الأماني.. والأمل.. والانتظار=بينها تعبت أدوّر لي مصير
كل ما قدمت رجلي في مسار=ينحني بخطاي .. وأحلامي تطير
يا مساراتي .. بلا نهج ومدار..؟=يا أنا .. متخلف وجاهل كبير...؟
ما قدرت أوصل مرادي باختصار..!=ولا عرفت ادخل من الباب الصغير..!
اجهل التلميع .. وأخشى الانكسار=والنتيجة... بين الأول والأخير
(احمل الأحلام من ليل لنهار)=وارتجي مع كل متعدي ..بشير
والشقا في دلة أيامي بهار..؟=ما خذيت من البعير إذن البعير..!
كل ما ناظرت في عصفور طار..!=وكل ما خايلت بارق ما ينير ..!
إن ضميت القاء >>ذرى دافي ونار..=وان لحقني برد احصلّي >>غدير..
ذنبي إني لا يمين ولا يسار=نيتي بيضاء ولي قلب وضمير
عايش بغربه وأنا راعي ديار..!=>>..والله إن الوقت شره مستطير..
الظروف محيّره والدم حار=مالي إلا أبقاء على حالي ... وأسير
التزم بالصمت واللي صار صار=وعلّني ما أعدَمْك يا >>فرش الحصير
وفي مثل هالحاله >>التفكير ضار=من كبيرين العقول .. اهلك كثير

تحياتي

تواصل مميز
صح لسانك
وتقبل تحياتي

ذنبـي إنـي لا يميـن ولا يـسـار
نيتي بيضـاء ولـي قلـب وضميـر
عايش بغربه وأنا راعـي ديـار..!
>>..والله إن الوقت شره مستطير..
الظـروف محيّـره والــدم حــار
مالي إلا أبقاء على حالي ... وأسير
التزم بالصمت واللـي صـار صـار
وعلّني ما أعدَمْك يا >>فرش الحصير
وفي مثل هالحاله >>التفكيـر ضـار
من كبيرين العقول .. اهلـك كثيـر

تحية يامحمد على اجمل الكلام


شاعر مهندس كلمات

تقبل اعجابي

صح السانك ويعطيك العافيه

صح السانك يالقويعاني




نص شعري شامخ في معانيه رغم سلاسه الطرح



لك تحيتي ومحبتي


سلطان القنيدي

الغالي / محمد القويعاني


اعلم بأنك اكبر من الإطرءات والمدح ولا أنت بحاجه لمثل هذا الكلام


ولكن شهادت حق

اذا قراءت ابداعك وكلماتك تجبرني على الرد وتجبرني على قراءت قصيدك من أول بيت الى اخر بيت ومرات ومرات


محمد

انت شاعر كبير ومبدع وجميل وتستحق الأحترام والتقدير والمتابعه


ويحق لنا نفتخر بمثل هذا الشعر


سلمت ودمت بخير ياغالي


عايد السميري