يا رفــــيق الســـــــــــــهـــــــــــــــر

يارفيق السهر
_____
!

روح الليـل وبـروق المخايـل تنـوض =كل مـا نـاض بـرقٍ نـاض بـرقٍ وراه
يا رفيق السهر جب للسفر جيب حـوض =من تايوتـا يوسـع خاطـر اللـي شـراه
من حفيزه ما وقَف بالحـراج معـروض =باقـيٍ فـي غبـاره مثـل لـون القطـاة
ان مشى كنه الشيهـان عنـد النهـوض =منتهض مـن طويـل الحيـد وده عشـاه
وان مسك له خميلة راح وصوته يجوض =ويتـردد فـي جبـالٍ طويـلـه صــداه
وان غشى ودايٍ خضخاض وسطه يخوض =ينحـدر مـع حـدوره ويتصـعـد نـبـاه
والكفر محكم التصميـم ضـد القـروض =أن مشى مع زباره وان مشى مـع صفـاة
وقفـه يارفيقـي بيـن طـعـسٍ وروض=خايـعٍ يبـري النفـس العليلـة هــواه
مغتشيتـه سحابـه نقعهـا بالـغـروض =والنجوم السـواري ترتعـش وسـط مـاه
يانعـاتٍ زهـوره مقبـلـة بالـبـروض=وان غشاها نسيـم الليـل مالـت معـاه
في يمينه حموض وفي يسـاره حمـوض=والنفـل والبختـري والخزامـا شــذاه
وشب نارك وقنـن حمستـك بالنجـوض=واحكـر الهيـل والـبـراد زود حــلاه
وانس كل الهموم وصل خمس الفـروض=واطلب الله دوام البسـط عقـب الصـلاة
يارفيقـي تـرى الدنيـا ارزاق وّحظـوض=حكمـةٍ مـن ولـيٍ معتلـي فـي سمـاه
غامضة بالوضوح وواضحـة بالغمـوض=تصبـح بوجـهٍ وتمسـي بوجـهٍ سـواه
فاتنة خادعـة قشـرا نقـوضٍ غيـوض=تبتسـم بسمـةٍ صفـرا بلعـس الشفـاة
واعرف ان يوم باكر بامسنا مـا يعـوض=كـل يـومٍ يـروُح مـن رصيـد الحيـاة
لكن انس الهموم وصل خمس الفـروض=واطلب العفو والغفـران عقـب الصـلاة

السلام عليكم ورحمة الله وبركاته

رااائع يا أبو علي ...

قمة الابداع تجعلك تعيش الوصف و كأنك من خلاله ..

لا حرمنا الله هذا التواجد العذب

استاذي القدير,,
(((زيدان البلوي)))

ياروعه الحرف
يازمن قل به جمال الكلمه
تاتي لتخبرنا
انك ممن يتقننون الحرف
ممن يسخرون الحرف ليرسم لهم اجمل
واروع الصور

صاحب القلم الذي يكتب ذهبا
الذي يسطر حروفا رائعه
يرسم لنا بريشه الروعه
يرسم لنا احلى واجمل الجمل
لاتحرمنا من هذا النزف الرائع
لاتتوقف اجعلنا نعيش كل حروفك/فنونك/جنونك
رائعــــ انت وقلمك

تقبل مودتي

محمود

ابو نادر

وعليكم السلام ورحمة الله وبركاته

شكرا لك على اشادتك القيمة وكلماتك العطرة

دمت بخير وعلى المحبة نلتقي

السلام عليكم ورحمة الله وبركاته ... وبعد

زيــــدان الـبـلــــــــــــــوي

أنت من يعرف مكامن الابداع اللذي يروى ظمى العطشان
كأنك المطر الذي ينهمر على الارض القاحله لكي يزهر ويدخلها في طيات الربيع

سجل إعجابي ببوحك النابض ،،،

سـلـمـان الـعــــــــــرادي

رائعة أبو علي ..

هيضتنا وشوقتنا للديره ..


أعجبتني القصيدة وأ‘جبني بيتك :

غامضة بالوضوح وواضحـة بالغمـوض"""""""""""""""""" تصبـح بوجـهٍ وتمسـي بوجـهٍ سـواه

صح لسانك