عقوق .. عقوق .. عقوق..

هذه قصه من الواقع اصوغها لكم باسلوبي

جاء أبوي وسابقت اختي على الباب

وأخذت أكياس الخبز من بين يدينه

جرت أختي وجابتله أثياب

وغير وغسل وقهوته أمي من يمينه

نادى أبوي أخواني مامنهم استجاب

منبطحين على التلفزيون عند المذيعة لينه

جابت أمي العشاء مرقوق عليه السمن ذاب

ومجتهده بطبخه وحار وطعمه الله عليها يازينه

ونادت أمي يالله العشاء تعالو يانوري ياشباب

لكن أوجهيهم تغيرت وكشرو وكلن شاح بعينه

اعترضو أخواني بشده وقالو يبون همبرقر وكباب

مانحب طبخ البيت كله دسم ويغث وماله قيمه

قزتهم أمي بعين زعلانه وكلها حزن وأعتاب

وقالت اللي مايعجبه طبخي يشتري من برا الله لايهينه

ولا روحو اشتغلو ولا اقرو لكم كم من أكتاب

شطحان أطول مني وعاطلين ونايمين ديمه ديمه

وأبوكم كبر وماقصر والعود انحنى وشعر شاب

وانتم ماهمكم عجزه ولا شغله ولاتعبه مقدرينه

وأخواتكم بالمكافئة يساعدنا مع إنهن ماعليهن أعتاب

ولولاهن الايجاركان مايندفع دايم بوقته وبحينه

الله يسامحكم مارعيتو خاطري ولا عملتولي أحساب

وخليتو المطعم أحسن من أمكم وهي تطبخ لكم بيدينه

وناظرت لأختي وعيوننا تشترك كلها حزن وعذاب

ولسان حلناا يقول شلون نتزوج ونروح بعيد عن والدينا

وحال أخواني بهاالقسوه وأمي تعاني و تعبانه الله يعينه

نفداك يابوي ويمي بروح وانأ أختي وماعمرنا من هاب

إن مضى الوقت وحنا نخدم تحت رجلينكم وعمرنا لكم رهينة

الله يحفض لكم أمكم وابوكم
يااخت الجود
ويهدي اخوانكم جميعا والصبر والنصح طيب ومثمر في مثل هذه الحالات0
والملاحض على أغلب شباب اليوم تبلد مشاعرهم خاصة نحوا امهاتهم وابائهم وهذا التبلد في الاحساس جعلهم متبلدي الاطلاع في ماهو من مسئولياتهم هداهم الله0
وانا هنا أقول لكل أبن وبنت الاب والام نعمه من الله 0
لايعرف فضلهما ألا من يفقدهم0
فسارعوا ايها الابناء ببر والديكم كما أمركم الله سبحانه تظفروا بأذن ربكم بالخير بالدنباء والاخره0
هذا والله يهدي الجميع تقبلي تحياتي أخت الجود

الله يحفض لكم أمكم وابوكم

يااخت الجود
ويهدي اخوانكم جميعا والصبر والنصح طيب ومثمر في مثل هذه الحالات0
والملاحض على أغلب شباب اليوم تبلد مشاعرهم خاصة نحوا امهاتهم وابائهم وهذا التبلد في الاحساس جعلهم متبلدي الاطلاع في ماهو من مسئولياتهم هداهم الله0
وانا هنا أقول لكل أبن وبنت الاب والام نعمه من الله 0
لايعرف فضلهما ألا من يفقدهم0
فسارعوا ايها الابناء ببر والديكم كما أمركم الله سبحانه تظفروا بأذن ربكم بالخير بالدنباء والاخره0

هذا والله يهدي الجميع تقبلي تحياتي أخت الجود

ابو مشعل الوابصي الله يرحم والد ي ويسكنه فسيح جناته ويطول بعمر والدتي القصه وانا اختك ماهي لي بس انا كاتبتها ولا عزوتي اخواني ونعم الرجال ببرهم ورفعتهم بامهم وهم الان اباء وكبار وماهم المقصودين
شكرا لنصيحتك الرائعه واسعدني مرورك

جميله جدا تدعو لبر الوالدين ...يسلموووووو اخت الجود

جميل جداً ما سطرتي لنا

وانتي تتكلمى عن موضوع مهم جداً وهو العقوق ..

نسئل الله ان يقدرنا على خدمه والدينا

اخت الجود سلمتي على هذه الرائعه

هذا هوحال شبابنا اليوم وخاصه مع طبخ البيت هداهم الله

الشاهد موجود مع عبود بالبيت(ارقام توصيل الطلبات مخزن بجوال امه هههههههههه) اذا وجد المرقوق او الجريش او البشملا


ملاحظه طلب صور لرحلاتي غاليه والطلب رخيص

تقبلي لحترامي وتقديري