صااااااااااااااااح يمّه

اولا السلام عليكم ورحمة الله وبركاته
واسمحوا لي بهذه المشاركه ..

وحين يُعمل الشاعر خياله كانت هذه القصيده

ياطيور الجو لك عندي وصاه =تاخذي مني سلام ٍ للحبيب

مقصدي طير ٍ شهر ولاّ القطاه = تبحص وتخمر ومغزاها قريب

ياحمام ٍ زاجل ٍ يبعد مداه = خذ سلامي واوصله ذاك الصحيب

شوف قرص الشمس واعرف ماوراه= واعرف إن العصر يتلاه المغيب

قل تراني من سنين ٍ في رجاه =مثل طفل ٍ ينتظر امه تطيب

وماتت امه قبل لا ييبس جماه = قام يزهمها وعيّت لا تجيب

طفل ٍ ألتغ له ثلاث ٍ بمحياه = طفل يعرف بس امه والحبيب

صاح ما يدري معاني ما يراه =يوم شاف الكل يصرخ بالنحيب

صاح يمه ثم يمه ثم ياااااااه =كل من حوله بكى حتى الطبيب

عاد يمه والبكا قطّع حشاه = زاد بصياحه .. وأيّس من مجيب

وسلامتكم .. حمدان عبدالرحمن الفريعي ( واسمي المستعار ماقدرت اغيره من لوحة التحكم ..

ولا عندي غير ايميل واحد والشكوى لله )

صح السانك يا راعي الركايب..واستمر معنا

صح لسانك ياراع الركايب

وحياك الله في منتدات بلي

راعي الركايب

حمدان عبدالرحمن الفريعي

صح لسانك وسلم بنانك قصيده تلامس الوجدان

اســـــــــــــــــــتمر

دمت بخير

راع الركايب

صح الله لسانك قصيده في غاية الروعه

الله يعطيك العافيه


عبدالله الوحيشي

الاخوان .. ابن الجزل .. وياسر حمدان .. وابو سليمان عبدالله ..

اشكر لكم مروركم الكريم

وهذا والله مما يفرحني

عساني ما عدمكم ياربعي