(( أرحــل بصمــت ))

(( أرحــل بصمــت ))

أرحل بصمت بدون توديع وازعـاج
مـا دامهـا فرقـا بـلاش نتواجـه

مافيـه داعـي للمذلـه والاحـراج
والموقف اللي ما لنـا فيـه حاجـه

حتى ولـو انـي لشوفتـك محتـاج
قلبي هذاك اليوم واعـرف خراجـه

لو الهوى ينهد له عشـرة ابـراج
وتذبل غصونـه ويتكـدر مزاجـه

تبقى الكرامه فوق راسي لهـا تـاج
وش عاد ابي بالراس لا طاح تاجـه

غـادر بليـلً خرمسـي مظلـمً داج
قبل الفجر نـوره يحيـن انبلاجـه

وخل الجروح تبات في وسط الادراج
جرح المشاعر مثل خدش الزجاجـه

خبر فراقك ما يبـي لـه ريبورتـاج
ويوم الرحيل الجـو ثايـر عجاجـه

ما اقدر اوقف معك اسوي له اخراج
ولو ينعمل في فلـم يكثـر رواجـه

ولا احب اشوف غزيلً كان مغنـاج
بالثوب الاسود يوم عقّـد حجاجه

نعم سأرحل بصمت ؟؟؟؟؟؟
سلمت يداك

انغــامـ

سلمت انامــلك على الانتقاء الرائع

تقبلي مروري ,,