ومن لا يودك صادقا لا توده

الاخوان في هذا المنتدى العملاق .. يشرفني ان اكون احد افراده ..
ثم اقبلوا مني هذه المشاركه المتواضعة .. وهي قصيده للشاعر : عوضْ بن نويجع الضميني العنزي ( رحمه الله )

قال الضميني في كلام ٍ يعده "=" على نحو فكره يركز معانيه
كل ٍ على قده همومه تضده "=" وكل ٍ بعظم رياه تعظم دعاويه
وكل ٍ بزود غناه يزداد وده "=" وكل ٍ بعد اخطاه تبعد هقاويه
وإن كان ما تصبر على كل شده "=" لا مرقب ٍ ترقاه ولا قصر تبنيه
ومن لا يودك صادقا لا توده "=" ومن لا يداري خاطرك لا تداريه
القلب يجفل عن وجيه ٍ مصده "=" انشهد إن القلب دليل راعيه
سيلا جرا عن مدرجه لا تحده "=" جنّب وخل السيل يضرب مجاريه
ما فات من دنياك صعبا مردّه "=" خذلك من الماضي عباره وتوجيه
ومن لا فعل ما ينفعه فعل جده "=" ولا فعل ابوه ولا فعل من يواليه
ترا الرجل تذكر له اعماله بيده "=" من زين ولا ّ شين فعله مكفيه
ما ينسقي من البير من غير عده "=" ولا يقتضي بالسوق من خلت يديه
لقيت من يبني غلاه ويهده "=" مثل الذي يعمي عيونه بياديه
وصلوا على من جاب علم ٍ ورده "=" على نبي ٍ ثبّت الله خطاويه

الاخ دايم العز

حياك الله بين اخوانك

وبصراحه قصيده تستحق الوقوف امامها كثيرا

وخاصه انها من شاعر عملاق كالضميني

وإذا هذا اول الخير فأكيد يكون الجاي افضل

دايم العز .. عساك دايم على العز

السلام عليكم ورحمة الله وبركاته
دايم العز
شرفتنا في منتدى بلي
ومشكور على هذه القصيدة الرائعة ونتمنى المزيد

يعطيك اف عافيه اخوي على القصيده

واهلا وسهلا بك في منتدى بلي

ملاحظه: القصيده مكانها في قسم الفنون الشعبيه و هذا القسم خاص بقصائد بلي

وحياك الله مره ثانيه في منتدى بلي

السلام عليكم ورحمة الله وبركاته
يعطيك العافيه وصح لسانك يا دايم العز
وكما اشار الاخ ياسر حمدان القصيده مكانها قسم الفنون الشعبيه

تسلم ياغالي