زينوها وادفنوها والكفن ثــــــــوب الــــــــزفاف@ غصب عنها زوجوها وسلموها للغريب
مجبره ماشاوروها قصدهم شـــــــرع الــــعفاف@ مـــــادروا إن البنية مغرمه ولها حبيب

جهزوها وهي تبكي وترتشف الــــدمع ارتشاف @وخبروها إن مــوعد الفرح منها قريب

مالقت أحــــــدا" فهمها وهمها ناظر وشـــــاف@ إن حكت باللي سكنها مالقت إلها مجيب

وكانها هي وافقتهم جرعوها الـــــــــــزعــاف@ حالها من فعل أهلها صار محزن ومريب

والحفل قرب وقامت ترتجف خوف ارتـــجاف@ كــــل يوم تقول باكر الفرج بإذن الرقيب

باكر يمكن يفهمون قصتي بـــــــآخر مــطاف@ جـــــــا باكر ثم عدا وجا بعد باكر عطيب

وعلقوا عقد الإنـــــــاره وإحتشد فــرد وآلاف @أيقنت إن الجرح جرحها مـــــــــاله طبيب

وإنها لازم تطيع أمرهــــم وترضى الــجفاف@ جـو لها والدمع يغرق جفنها الحلو الرطيب

قالوا ياالله إلبسي ثـــــــــــوبك اللــي للزفاف@ كفنوها وفـــــــــي نظرهم زوجوها للأديب

فــــــــــرشوها الهم دايم والأسى لها لــحاف@ يــــــــــــاحسافه دخلوها والحشا يغلي لهيب

وأحكموا قيد البنيه وإسجنوها بـــــــإلـــتفاف @وادعتهم وهــــــي تقول حسبي الله الحسيب

رحلتي ماهيب طويله ورجعتي بـعد القطاف@ سافرت عن دار أهلها وقلبها خطر وصويب

سافرت مع منهو خطفها من أمانيها الضعاف @خــــــــــايفه مستوحشه والعرق مـنها صبيب

وقلبها ينبض بــذكرى مـاضيه فيها إختلاف@ حاولت ترضى بقدرها وللـحدث هي تستجيب

　
بـــــس عيت تقتنع وعــشقها ذاك الــضفاف@ هـــــو سألها جــــــاوبيني ليه دمعاتك سريب
ليه لي ماتنظرين وأنا زوجك شخص واف @قـــــــالت بنبره خجوله أنا في وضع" رهيب

غصب عني زوجوني وإطعنوني بالرهاف@ هــــــو سكت لحظة تأمل وش أسوي يامجيب

عقله وقلبه نطقها صاحب النخوه يـــــعاف@ قــــــــــال منهو غير حبي يسكن بقلبك نجيب

من تولى عرش قلبك إهتني به يـــــاعفاف@ وبــاكر الرجعه تراها وإمسحي الدمع العجيب

خـــايف إني أمسكك وأقترف ذنب إقتراف@ إضحكت ضحكه وقـــالت مابعد هالطيب طيب

الله يجازيك عني بـــالأجر ويسر الطواف @إرجعت وقالت رجعت يـــاأهل الشرع الغريب

بنتكم جتكم ولكن من بــعد ذل وحـــساف @وإبعثت مـــرسول عــاجل أنا جيتك ياالحبيب

النذر اللي نذرته صار وافي يـــــامــناف@ إجلست يــــــــــوم وتأخر لارساله ولامجيب

وعقلها يمه تشتت وبدت بــالغيبه تــخاف@ مرها طفل صغير وإســـــألت عن الصحيب

قــال مات ليلة زفافك وإندفن بعد الزفاف@ ناحت بحسره وطــــــــالت الليالي والنحيب

وودعت قبل اللقاء حلمها الزاهي وطاف@ إقتلوها مرتين وشابت مــــــــــاقبل المشيب

وذاب قلب" قد تعلق والبصر جاه الكفاف