الشعر جاك اصدقه

السلام عليكم ورحمة الله وبركاته





اسعد الله اوقاتكم بكل خير




وهذه ليس الا ليتواصل الفرع مع الاصل



اتمنى ان تحوز بعض الرضا



.


.

.

الشعر يستأذنك .. وأنتي لحرفه منا=وآنا اللي أحْسب لك ألف حساب ... قبل اكتبه
أخاف..: ما يَعْجِبِك مضمون .. ولاّ بنا .=ثم اكره الشعر كله .. وأهمل الموهبه
وإن ما جنا الشعر لي بسمة رضا .. وش جنا..؟=يا غاية الشاعر العاشق .. ويا مطلبه
يدفعني الضيق من خلفي..وصدرك فنا=لي فيه حلم الحياه الحلوه المعشبه
قلبي من القيض وديار الجفاء .. لك عنا=عطشان.. وأشوفك أنتي ظله ومشربه ..؟
وأشوفك النور .. وإحساسك مداده سنا=لكن ترى البدر .. ما بينك وبينه شبه
البدر للكون كله ... وأنتي لي بس أنا=والبدر يعكس ضياء غيره .. وضيّك هبه
تغنين عن من سواك وعَنْك مالي غنا=والعمر .. !وش راس مال العمر ..؟ وش مكسبه ..؟
من دونك أضيع ... والعمر يتوقف هنا.=والبدر ما أحياء على نوره ..لو استعذبه !
في كل معنى رقيتي .. والقمر ما دنا=تشوفه العين عالي .. بعدك بمرتبه
الحمد لله والشكر وعظيم الثنا=جابك وانا بين مشرق عمري ومغربه
يا فرحة أيام عمري يا السعد يالهنا=والشعر جاك أصدقه عاني ..وجاك أعذبه
وأنتي ولا تعبرينه ..! ... لكن الله لنا=يا اللي قصيدي ما ينظر غيرك ... لمعجبه
الحب منك وعليك انساق .. شعر وغنا=وأنا اللي محمل ذنوبه على منكبه
أهيم واستشعر الراحه بدونك ... عنا=ومَعْك استلذ التعب .. وارتاح يوم أتعبه

.


.


.


تحياتي

قصيدة رائعة وجميلة وصح لسانك ولاهنت

تحياتي لك دمت بحفظ الله

يعطيك العافيه عاى القصيده وصح لسانك

الله يعافيك وصح بدنك


شكراً لك على مرورك العاطر


تحياتي لك وتقديري

إطلالة بدر
الشاعر العذب محمد عوده القويعاني
صح لسانك وقلبك والله إنتظرناك طويلآ وجئت بفيض
الله يعطيك العافيه
تحياتي لك

لا هنت يا ابو شليويح



شرفتني وأسعدتني بمرورك وإطرائك


شكراً جزيلاً لك



تحياتي وتقديري لك

صح الله لسانك يالشاعر الجزل,.,

صح لسانك ولاهنت يالغلا على هالقصيده الجميله