بسم الله الرحمن الرحيم
بعد الغياب عن قسم الشعر إستوقفتني بين ادراجي
قصيدة [ زفرة الضيق] فأبت الا ان أضعها بين اعينكم
علها تجـد القليل من إستحسآنكم وترتقي لذآئقتكم ..!
[ زفـرة الـضيـق]
الدمـعه الي رافقـت زفـرة الـضيق=دايـم تـرافـقني مع كل ضيقه
واليـوم جتـني من قـبل فكـة الـريق=جابـت سوالـف والسوالف حقيقه
قـالت لـزوم إنك على الواقـع تـفيـق=إنت بـزمن باق الـرفـيق برفـيقه
وصـآر الـردي ينـبش علـوم المـطاليـق=وقـلوب تقسى عقـب ماهي رقيـقه
ونـاس حـكوبـك والـحكآيآ تـلافيـق=زادو على جـروحـك جـروح عمـيـقه
وزفـرة زفـرة من جـفوه المـخـاليق=زفـرة شـجيـع نـشف الـوقت ريـقـه
وجـآوبتـهـآ يبقـى الصـقر بالشواهيق=مـآيزعـجه صـوت الغـراب ونـعـيـقـه
وأنآ بـآلاول مـآرضـيت المـلآحـيق=الأول أول والـحـيـقـه لـحـيـقه
والـورد ورد ولـو كسـته الـزمآلـيق=فـرقـه عن أشـجـآر البـوآدي رحـيـقه
ويـآمـقـصـدي إفهـم وركـز بـتـدقـيق=ويـلزم عـليك الي نـقـوله تـطيقـه
خـطـو الـولـد مآيـلتـفـت للـمـطآفـيق=وخـطـو الـولد مآكـل عثره تـعـيـقه
وأنآ على الله خـطـوتـي والتـوآفـيـق=مـآهـزني صـوت الـغـرآب ونـعـيـقـه
والدمـعـه الي رآفـقـت زفـرة الـضيق=بكـره تـمـوت وتـنـجلـي كـل ضـيـقـه
المفضلات