المشاركة الأصلية كتبت بواسطة سعود عقيل بن مظهر السحيمي
اخواني اخواتي قصه من الواقع يرويها لي احد المقربين لي واتمنى من كل واحد يحط نفسه
بنفس الموقف ويقول لي كيف يتصرف في هذا الموقف المحرج واليكم الروايه ,,
يقول صاحبي
ركبت سيارتي يوم من الأيام وكان عندي موعد مع واحد من الزملاء وانا في طريقي شفت شايب
مبنشره سيارته وحز بنفسي وقلت لازم اساعده مايصير شايب يسوي بنشره وانا اتركه,,
وقفت عنده وقلت سلامات ياعم ,,
وقال ابد بنشرت ياولدي 0 واخذت منه مفتاح الكفر ورفض واصريت أني اسوي له الكفر
وطلع كفر الأحتياط مبنشر كمان0
قلت خلك ابي اروح اسوي الكفر من البنشري واجيك ,,
وقال الله يوفقك ورحت للبنشري
وسويت الكفر وركبته بسيارته ,,
توسخ الثوب عقب الكشخه زي مايقولون 0 المهم استاذنت منه ومشيت ولحقني ومسك يدي.
وقال
ياولدي قليل اللي يسوي سواتك 0 ومادامك تعنيت ووقفت وساعدتني فهذا يدل على طيب اصلك ومعدنك ولكن !!! 0
انت من اية قبيله؟؟؟
وقلت له أنا بلوي.
وقال مافيه شي اكافئك فيه الا بنتي,,
وانا اشتري نسبك وبنتي متخرجه من الثانويه وانا معطيك بنتي واشرايك 0؟؟؟
الله من الورطه
انا كنت توني خاطب وحرام بالله اني تمنيت ماجي بهالموقف 0
والله ان نسبه يشرفني بس المشكله الخطيبه وانا ماحب تعدد الزوجات 
0
المهم جتني سرعة بديهه وقلت انت وين ساكن ياعم ؟
وصف لي البيت واخذت اسمه وقلت انشاء الله امرك انا وابوي وامي 0
وقال راح استناك وعليها الى يومك وربك ستر
,,,,,,,,,,,,,,,,,,,,,,
انتهت القصه
يقول
هذا موقف بسراحه احرجني 0 بس اجمل مافي هذا الموقف من كلام الشايب احسست انني قمت بعمل جميل ,,,
هاااااااااااااااه كيف الخروج من هذا الموقف الصعب خاصةً وانت لاترغب بالزواج الا من خطيبتك؟؟
بكل صراحه كيف تخرج من هذا الموقف الصعب؟؟
رد: بكل صراحه كيف تخرج من هذا الموقف الصعب؟؟
.png)
المفضلات