قـصيـدة .. { الـجرح الجـديـد}..لـ/عبداللطيف الحمراني ..!
يسألوني عنك يـ/ الجـرح الجـديد=من هـو الي ضمـك لـ/باقي الـجـرآح
من هـو الي سكـنك دم الـوريد=من هو الي بقـلبي أعـطـآك السـمـآح
وش تريـد بـ/قلـب ميت وش تريد=وش تريـد بـ/قلب أنهاه الـصـيآح
قلبي الي عاش في همـه وحيـد=هـآم في دنيـآ المـأسي لين طـآح
تـحسب إنه عاش مبسـوط وسعـيد=لا ورب البيت عمـره مـآسـترآح
تـكفى يآجرح المأسي لا تـزيـد=روح مثل الي عن الأنـظآر رآح
الحبيب الي رحل عني بعيـد=وشتت أحـلآمي مع أدرآج الـريآح
من يـرده والـورق عاف البـريد=وساعي الأشوآق مكـسور الجنآح
مآكفـخ..والحـظ بـ/أحسآسه بليـد=والدمـوع إذلال والدنيـآ كفـآح
ولا صـديق ولاطريق ولا عضيـد=ولا شمـوع ..وليل جافاه الصبآح
وذبلت أورآق الأمآني والأكيـد=كل نبض بنشـوة الأوجآع فـآح
وأنتشى حـزني وسطرني قصيـد=واليدين الي تلم لمني شـحآح
وأنت ياجرح المأسي لا تزيـد=روح مثل الي عن الأنـظآر رآح
الحبيب الي رحل عني بعيـد=وشتت احلامي مع أدرآج الريآآح
ع/الحمراني
.gif)
رد مع اقتباس
المشاركة الأصلية كتبت بواسطة عايد السميري
المفضلات