سحر هاروتي
السلام عليكم ورحمة الله وبركاته
,,
عذراً يبرّر الغياب ومصافحةً لكم أيّها الأحباب
,,
يالـيل ياجـامع الإنسي بـ حوريّه
أدمى خـفـوق الهواوي سهم بـنّوتي
مـايفضح اللـيل, كود مقابَل بنيّه
فيها حُسن يوسفي مع سحر هاروتي
تمـلا مكان الـقمر وزياده شويّه
ولـسان حاله يقول: أهلابِكِ , وفوتي
مدري لِبس شالها,وألّا طفت ضيّه
وألّا من الله,,,,وربّي يـعـطي ويـوتي
زادت على البدر في خدّين ورديّه
وعـيـون كـحلا وسـاع ومـبسمٍ توتي
تبي قصيدة غزل فيها وحصريّه
والـشِعـر لعـيـونها في حنجرة صوتي
لـبّيه , لـبّيه , يالـترف الهواويّه
ياعِـشقـي الـمستجـدّ, وزادي وقوتي
ماشفت ثقلي على الحبّ وعلى غيّه
لاشـفـت بين الـشـفـايف عِـقد ياقوتي
لله دُرّ الـوصـال , وطِـيبة النيّه
مـاكـنّي اللي سليت وطـوّل سكوتي
أثر الهوى حيّ وأثري جمرته حيّه
عـلى كـذا يالجـروح الأوّلـه,,, مُوتي
رد مع اقتباس
المفضلات