ليه الفقير يفصل لثوبه جيوب..؟
أقول تبنا يا قصيـدي .. ولا اتـوب
دام الزمان يوجـه الشـوف يمـي
كم من كلامٍ لا طلع مات مصلـوب ؟
وكم من كلام يموت من دون فمي ؟!
يا صاحبي كنّ الحوايج غدت ثـوب
وكـنّ الفقـر دلال بأطـراف كمـي
والليل يشرب من فَمِ الفاقـه ذنـوب
كيف أنحر العزه واسمّيـه : عمـي
والحاجه اللي خلّت الكلب محسـوب
تنبـح علـى جثـة عزيـزٍ بدمـي
هذي عيوني للمسـاء كلهـا دروب
يا اول دروب العمر لا طحـت تمـي
تعبت أمشّي داخلي لحظـة غـروب
تعبت أنا اسأل كل ما أحتجت ظمـي:
ليه الفقير يفصّل لثوبـه جيـوب؟؟!
يا جيوب فقره من عنا الوقت لمي !!
يا صاحبي واللي رفع هالسما نـوب
أحس فيني حزن مـا هـو مسمـي
وأحاول أغسل من عنا يومي قلـوب
وأمرر الضحكه على عيـون أمـي
وارجع و احاول قد ما فيني آتـوب
وكل الكلام يمـوت مـن دون فمـي
والحاجه اللي خلت الكلب محسـوب
تنبـح علـى جثـة عزيـزٍ بدمـي
شعر / احمد عايد البلوي
رد مع اقتباس
رد: ليه الفقير يفصل لثوبه جيوب..؟
.gif)
المفضلات