[quote=فالح عايض السميري;829224]بدون مقدمات
اكتفي برد الاخ القدير / بن قبلان على موضوع قصيدة سالم البلوي
واليكم هذا الرد اتمنى ان يكون بمستوى ذائقة محبي الشعر والأدب و بعيداً عن التعجيز والطلاسم المشوهه لهذا الأدب .
راكب اللي لا طرقتها نغمة الحثاثه
.............. المضمر لا نهمها كنه يحدثها
شكلها لا درهمت يبلش به الحداثه
............. كان ماجابت الاولى ماتجي ثالثها
حرة(ن) صفرا مطيعه ماتجي غثاثه
............. من ثمنها يغتني عقب الفقر وارثها
توصل لسالم سلام مزارع ومحراثه
............... عد نبت الروضه اللي ربنا غايثها
نبتها قفر(ن) ماجاء راع الحلال وداثه
.............. ولا وطاها راعي مقفص ولا عابثها
سالم اللي مابلش في ذا الزمن واحداثه
............... ماتهمه دولة(ن) عرقلبها حادثها
والزمان اللي تحكم الناس فيه إناثه
............... مشكله بالمجتمع ما احد قدر يبحثها
ولا حسبنا مثومنه ومروبعه واثلاثه
............. المطيه لا نوى فالح لها حثثها
* فالح السميري
6 / 2 / 1434 هـــ
صح لسانك اخوي فالح
بس احب انوه لشي
عنوان القصيده من باب الدعايه لها فقط لا اكثر ولا اقل
ولم اكتب ( اتحدى اي شاعر يرد عليها ) !!!
مع اني حذفت بعض ابيات القصيده
من ضمنها
ما جهلْه إلا حداً يجهل عريق تراثه
وان تذكر رابع آماله نسى ثالها
ولو يشوفه منغلث بالخط زاد غلاثه
واصبح يسولف مع العقال ويحدثها
لاني عارف ان القصيده ماهي صعبه و فيه شعراء يقدرون يردون
وصدقني ان اول شاعر توقعته يرد هو انت ؟ تقول ليه راح اقول لك ... مدري بس كنت حاس
بس لا حظت ان بعض اعضاء المنتدى أو الشعراء كنهم زعلوا ضنا ً منهم اني استهين بقدراتهم الشعريه .
وللمعلوميه لو كنت ابي اتحدى (والذي نفسي بيده لأجيب قصيده ابن امه يرد عليها )
وانت يا اخوي فالح شاعر وتعرف ان الشاعر اذا بغى يعجز .... عجز.
عموما صح لسانك ويعطيك العافيه وتشرفت بردك
مع التحيه رد على قصيدة سالم البلوي ( التعجيزيه )
رد مع اقتباس
رد: رد على قصيدة سالم البلوي ( التعجيزيه حسب قوله )
المفضلات