تحكيم الظمير

من هجوسي ودي ابدي شي مخفي=في رمـوز الشعـر ابابيـح السريـره
قبـل لايـفـرط بـعـد مـاصـار مشـفـي=ماهـي مـن عيـون نظرتهـا قصيـره
عيـن فيهـا يقبـل وفـي عيـن يقـفـي=ماتـسـاوى بينـهـا بـصـر و بصـيـره
ثابتـه مـاهـي بـمـن يثـبـت و ينـفـي=في زمن شره نبت فـي راس خيـره
فـي سمـا اثنيـن وثلاثـة عـد يكـفـي=بالوتـيـره نفسـهـا نـفــس الـوتـيـره
مايـوافـقـنـي ولا يــاقــف بـصــفــي=من نثـر كحلـه علـى جنحـان طيـره
في زمن من مايحس صداع نصفي=مانعـكـس والاولــه مـثـل الاخـيــره
لاجل مايصبـح محـذا القـوم محفـي=ويتـحـذا الحـافـي وتـكـبـر صـغـيـره
معتلي من فوق ساس العز سقفـي=وفزعتـي فـي قــل واجـدهـم كثـيـره
هقوتي من قوتي فـي وقـت ضعفـي=تـاخــذ الـحــره وتـفـتــك الاســيــره
ياقديـم الجـرح مـدري كيـف تشفـي=وكيـف ياقـف نزفـك وياقـف نثـيـره
لو بـدى ماخفيـت مـن كتفـي لكتفـي=ماوصفـت النـور للعـيـن الضـريـره
ابتديهـا بحرفـي وفـي نفـس حرفـي=تنـتـهـي والـعـاقـل يـحـكـم ظـمـيــره

لله درك يا عبدالله القرعوطي
شاعر لايختلف عليه ثنين
الله يسلمك ويطول عمرك

صح لسااااانك.................

صح لسانك ياثاقب النظرة والله يعطيك العافية

حياك الله أخوي ثاقب النظره
وعوداً حميداً بعد طول انقطاع
لانجد مانقوله لك على هذه الابيات الجميله
التي تحمل بين طياتها الشي الكثير من لغوز الشعر الدفينه
الا ان نقول صح لسانك
ومفتاح معاني قصيدتك في هذا البيت
لو بـدى ماخفيـت مـن كتفـي لكتفـي=ماوصفـت النـور للعـيـن الضـريـره

صح لسانك قصيده جزله من شاعر جزل