خفوقي صار لِك دَلَّه و عِشقِك للمشاعر هيل
جذور الأرض ضَميانَه و تِتْمَنَّى يجيها السِّيل=و الا الغيث مِتعَدِّي قبل ما تموت يَسقيها
خفوقي صار لِك دَلَّه و عِشقِك للمشاعر هيل=و جاك اليوم فِنجاني يبي روحِك يقهويها
طبيب الحُب حَيَّاني و قال انَّه يِهِدَّ الحيل=الا عِشقِك المجنون في روحِك يداويها
أنَشهَد يا طبيب الحُب عايش في خفوقي ميل=للي تَمحي الوَنَّات من روحي و تِخفيها
ينادي كل ما فيني أحبِّك يا حياتي حيل=و لا ترضَى تنام الرُّوح و انتي ما حَضنتيها
أشِمَّ الصبح بانفاسك و شَعرِك في صِباحي ليل=إذا ريقِك روَى شوقي و خَصلاتِك نِثَرتيها
فِدِيتِك و انتي يا عمري فِريدَه يا شِبيهَة خيل=مُهرَه مَشيها مَوزون و فارِسها سَرَى فيها
خالد البلوي
رد مع اقتباس
المشاركة الأصلية كتبت بواسطة ثاقب النظره
المفضلات