قصيدة : الشاعر /عبدالله طويلع الوابصي
من باعنا برخيص بعناه برخيص
ومنهو شرانا با الغلا مانبيعه
في زود حنا مانحب المناقيص
وعيوننا ماتنظر الا الطليعه
حنا سعوديين من غير تخصيص
الشعب واحد واخو نوره نطيعه
حنا شعب واحد ولافيه تنقيص
ولاودنا با التفرقه والقطيعه
حنا كذا من العواميه إلى العيص
ومن حد حقل الى حدود الوديعه
ماهمنا داعش ولاهمنا غليص
المملكه ماهي بوجبه سريعه
ولو طولة تبغى تخلص المخاليص
وان خلص من داعش ومنهو تبيعه
ياقوم داعش دمكم اصبح ارخيص
افعالكم ياقوم داعش شنيعه
سويت لك مشروع من غير ترخيص
وتبغى تسوي شي ماتستطيعه
تقتل عباد الله من غير تخصيص
قتلك عبادالله صارت طبيعه
عقلك مرصص من هل الحقد ترصيص
وعلى وطنك تشب نارك وليعه
تبغى تقلصها على غير تقليص
تبغى تفرق بين سنه وشيعه
ياللي تقول ابخيص لا منته ابخيص
منته بخيصا في علوم الشريعه
واللي تبى المقناص جوك المقانيص
جوك الرجال اهل القلوب الشجيعه
حنا عرفنا قصدكم ياهلا بيص
يحرضوك اهل القلوب الوجيعه
تخسى تجينا وانت مخنز كما النيص
وان جيتنا بتموت موته شنيعه
تبطي عظم يالعنبو ذا الخلابيص
الضيق لك وفجوج ربي وسيعه
ومن باعنا برخيص بعناه برخيص
ومنهو شرانا با الغلا مانبيعه
الشاعر /عبدالله طويلع الوابصي
رد مع اقتباس
المفضلات