قصيدة بمناسبة حفل قبيلة ولد سليمان من عنزة

بسم الله الرحمن الرحيم
السلام عليكم ورحمة الله وبركاتة ....

هذه القصيدة بمناسبة حفل قبيلة ولد سليمان من عنزة بمحافظة القريات بحلول عيد الأضحى المبارك عام 1436هـ

عيدكم مبروك ياولد سليمان = كل عام بخير مع عمر طويل
يارجالاً فعلهم عيناً بيان = عند بعض الناس شياً مستحيل
سجل التاريخ في هذا الزمان = سابقة مامثلها يوجد مثيل
التكاتف عز صمام الأمان = للقبيلةطوق مع ظلاً ظليل
يقطع الخطين ويصم الأذان= عن سوالف واحداً عرفة قليل
بالجزيرة اسمكم ماخذ مكان = يعتبر راس الهرم مالة بديل
ياذهب ياقوت يالولو مرجان = كم شيخاً عندكم وزنة ثقيل
مابكم لا دلخ ولا عفن وجبان = شي مثل الشمس مايبغى دليل
لازعل رجالكم صابة جنان = مايهاب الموت لو دمة يسيل
بالمعارك مايعرف الديوران = اشهد ان الوايلي ساسة أصيل
من الشجاعة لاصهل مثل الحصان = ولايتحمل غير جارة لو يميل
يشتهر بالطيب وأخلاق وحنان = ياربيع الضيف والجار وزميل
وأنا من اللي فعلهم حسب البيان = موثقاً مافية شطب ولا مزيل
ربعي بلي وأرفع راسي للعنان = أحمد الله وأشكرة نعم الوكيل
قبل حكم العود وجدود اردوغان = ناخذ العربان ونجير الدخيل
بالكرم والطيب عدٍ ريهجان = بالمواقف دايماً نكسب جميل
ماضياً مع حاضراً أكبر ضمان = يشهد التاريخ من جيلاً لجيل
كابراً عن كابراً قبل وذوان = عندنا مافية سمسار وعميل
شيخنا معروف الباشا سليمان = يوم حكم الترك يطلق رجاجيل
طالبك يالله نعم المستعان = تنصر الأسلام في حالٍ هزيل
مغرق فرعون والساحر همان = و ابرهة والفيل بطيور أبابيل

صح لسان الشاعر