قصيدة تعبر عن معنى الحب الصادق

واحد اسمه خالد جاه مرض و قالوله انه بيموت
كتب الشعر لأخوه يقول له فيها
ان يتزوج حبيبته و يبي من أخوه هذا انه يخليها تنساه
اقرأ القصيده والله تستاهل ... وراح تعرف معنى الحب الصادق

وصاتي لك من بعـدي ........ تمـوت فيهـا علشانـي

ابيها تعيش و تحيا بك ........ واظـل بالذاكـره مفقـود

وصاتي لك تنسيها ........ ملامـح وجهـي و تنسانـي

وتعزفها قصيدة حب ........ على عكس اللي عزفته بعود

وصاتي لـك تبعدهـا ........ عـن اشعـاري وقيفانـي

تراها مغرمة بالحيل ........ ويشهد لـي عـدد الـردود

وصاتي لك تسايرها ........ ترى فيهـا مـن احزانـي

طلبتك لايضيق بالك ........ طلبتـك والطلـب مـردود

وصاتي لـك تناديهـا ........ حياتي..عمري..ازمانـي

انـا عودتهـا دايـم ........ ادلعهـا وانــا مـوجـود

وصاتي لك تعاملهـا ........ بطيبـه قلـب و احسانـي

تراها تـذرف الدمعـه ........ ودمعتهـا بليٌـا حـدود

وصاتي لـك تحفظهـا ........ سـور وآيـات قرآنـي

وتخبرها عـن الميـت ........ رحـل لايمكنـه بيعـود

وصاتي لـك ترسمهـا ........ علـى قبـري وأكفانـي

ابيها لوحة تبقى ........ علـى طـول الزمـن محـدود

وصاتي لك تمازحها ........ وتشوف الضحكة بأسنانـي

سعيتك ياضحك هالكون ........ طلبتك لاتصير جلمـود

وصاتي لـك تقهويهـا ........ مـن دلالـي و فنجالـي

تراها تعشق السمـرا ........ ويكفيهـا دخـون العـود

وصاتي لك تركبها ........ على خيلي و على حصانـي

وربي فارسة من قلب ........ شهـادة ماهـي لشهـود

وصاتي لـك تسفرهـا ........ بـلاد الشـام و لبنانـي

ترى يحلالها تقطف ورده ........ وردة من بلد الـورود

وصاتي لك تراقصهـا ........ علـى الحـان رحبانـي

ترى فيها عرق خالة ........ وفيها مـن جنـون السـود

وصاتـي لـك تحببهـا ........ فأبونـورة بعـد هانـي

وتنسيها ندم غلطة ........ انـا فيهـا تـرى المقصـود

وصاتي لك تكرهها ........ فـي تاريخـي و عنوانـي

أبيها تلعن اللحظة ........ وتلعـن كـل فـرح موعـود

وصاتي لك تكلمها ........ عن المجنـي وعـن الجانـي

وتخليني انا الظالم ........ وانـا مـن حـرق الاخـدود

وصاتـي لـك تشبهنـي ........ بـدم أحمـر قـانـي

وانا هالقاتل السفاح ........ مجرم مـن عصـر نمـرود

وصاتـي لـك تحلفهـا ........ تتـوب تحبنـي ثانـي

ترى يكفيهـا ماعانـت ........ ويكفـي حيلهـا مهـدود

وصاتـي لـك تنسيهـا ........ وصيـة قالهـا لسانـي

أنا اخبرك رجل موقـف ........ وانـت قدهـا وقـدود

صديقي مالقيت غيرك ........ يعرف وشلـون تنسانـي

أمانه ضمها بقلبك ........ ترى خالد....رحـل مايعـود

وســــــلامــــــتــــــكـــــــم

منقووول
تحياتي لكم نوره البلوي

اختي نورة بلي

شكرا

ابوسطام

شكرا

نورة بلــــــــــي ,


شكراً .. لكِ بحجمك .

فانتِ اكثر من رائعه حتى بنقلكِ ,

.

نورةبلي اخيار موفق كما عودتينا مشكوره ومبدعه فى مواظيعك

نورةبلي اخيار موفق كما عودتينا مشكوره ومبدعه فى مواظيعك

سعدت بمرورك اخي صالح السرحاني

والف شكر لك