كما اسلفت ان
هذا المنبر الراقي يستحق
منا الكثير ولن نوفيه حقه
هذه القصيده بمناسبة تشرفي بعضوية هذا المنتدى الشامخ
بعْد ( بسم الله ) يسهل كل صعب وكل كايد=يا هجوسي والمعاني بشريها في سعدها
كمليها بالجزيل وجمليها بالفرايد=واملي ابيات القصيده لين فكري يعتمدها
اتعبي للزود كله واتركي كل الزوايد=وكل حرفٍ ما يجملني .. ما ابي يكمل عددها
حتى لوّ الهابطه تُكتب على صدور الجرايد=والمقلد صار يمشي والخفي أمر وادها
ما غبطت الشاعر اللي لاجل تحقيق الشهايد=يضطهد بالشعر نفسه والقصايد يضطهدها
امشي بمنهج قناعة فكري وفكري محايد=يوم كلٍ مقتنع بالفكره اللي يعتقدها
بالمحرّف ما اتشرّف لونه لغيري طرايد=والهزيله ما اعترف فيها ولاني من بلدها
هاذي افكاري وكلٍ عنده افكار وعقايد=سقتها بمقدمه واللي يكملها وجدها
والقصيده هاذي ابغاها من عيون القصايد=ودي اهديها على منبر خطبها في مهدها
( مــنتـدى بلــي) يشرفني وجودي به يا عايد=وانت شهم ودعوتك عيب أتأخر عن وعدها
جيت عاني للمكان وشفت فيه الطيب سايد=وشفت راية عزنا الاول وشفت اللي بعدها
سرني مضمونه وحصلت فيه اربع فوايد=واكثر من اربع ولكن هاذي اربع من مددها
(يحفظ التاريخ) و ( يلم القبيله بالشدايد)=و(القصيد المنتقى) و (المعرفه) ما احدٍ جحدها
معرفة عايد وغيره من كريمين العوايد=مكسب ومطلب وغاية ما يخيب اللي قصدها
وابو سالم ما هو عن اصحابنا الباقين زايد=بس اعرفه يستحق المدح والعليا حصدها
وكل شهم من القبيلة في سما الامجاد رايد=افتخر في خوته على النقا وابني عمدها
واحمد الله القبيلة ما هي بحاجة رفايد=من معزتها يا كثر اللي تمنى انه ولدها
من علو إلى علو وفيه للامجاد قايد=شيخنا سليمان قايد مجدها وحافظ عهدها
جمّع رجال القبيله ما ترك منهم شرايد=في سبيل الكلمة اللي جده محرر سندها
حاضر مشرّف وماضي ما تهاوى وصار بايد=حافظينه حافظينه رغم الايام ونكدها
مجدنا باقي على صدر الزمن مثل القلايد=والشواهد فيد نفسك يا قليل العرف فدها
أقر بالتاريخ تغنيك الاصول عن البدايد=واسئله بدر وأحد كم بلوي اللي شهدها ...؟
ورغم هذا ما تريحنا وكبرنا الوسايد=سايرين وكل واحد نفسه يعدي جهدها
والختام الله يسهل كل سهل وكل كايد=يا هجوسي والمعاني بشريها في سعدها
وسلامتكم
.
.
محمد عوده القويعاني
يا عايد ( قصيده خاصه لمنتدى بلي )
رد مع اقتباس
.نتوجه بجزيل الشكر لك.والنعم بالمادح ..والممدوح.
المفضلات