قصيدة موجهة للشاعر عبدالله منقره
أخواني الأعزاء أعضاء للشعر الشعبي
السلام عليكم ورحمة الله وبركاته ،،
إنه الرجل الشهم الكريم الصادق الوفي الذي لايذخر أي شيء في خدمة البعيد فضلاً عن القريب ومهما تكلمت أو وصفت هذا الرجل فلن أوفيه حقه لأنه كسب قلب كل من عرفه أو حتى سمع عنه ،، إنه أخي وصديقي عبدالله بن مناحي منقره ،، شيء كبير يربطني به أكبر من أن أعبر عنه بكلمات ولكن من الوفاء له أحببت أن أعبر بما هو في داخلي لهذا الرجل بما جادت به أمكاناتي من أبيات متواضعة علماً بأنها ليست إلا القليل القليل مما يستحقه وأرجو أن يعذرني وتعذروني أنتم أيضاً على التقصير علماً بأن هذه هي مشاركتي الأولى في المنتدى .. وبعد ذكر الله والصلاة على رسوله ،،، أقول
مسيك بالخير ونهارك خير بأول مبتداه =ياصاحبٍ كل المراجل نابعة منّه وفيه
يامن على فعل الكرم ماهو بحاجة للوصاه =رابي على سلوم الرجال اللي ورثها من أبيه
ياخوي عبدالله تراني من مجاميع الهواه= اللي أسرت قلوبهم بالطيب والقلب النزيه
للخير عندك هاجسٍ دايم تبي تسعي وراه =تسعي وراه وتحققه ثم تتبعه باللي يليه
هذا والا منك بغيت الشي توصل منتهاه =والنوم فعيونك عسر لين يحصل وشهو تبيه
كم واحدٍ مايفزع الا لاحداً منا انتخاه =الا انت تسبق فزعتك من ينتخي لانك وجيه
ياصاحبي شفني وانا عايش وسط هذي الحياه =ماشيت أنواع الرجال وشفت سمحين الوجيه
لكن مثلك ما رأيت انسان عالي مستوه =والطيب لوكانه يباع بكل ماله يشتريه
وانت الذي لامن عطى مايفتخر باللي عطاه =حتى يمينك لاعطت تستر عطاها وتخفيه
ماهي غريبة وانت نسل اللي لهم قيمة وجاه =ليا تزبنهم دخيل ينال كل اللي يبيه
وليا تعرضهم نذل مايعطنونه في قفاه =أما يلجّم في فمه والا يعدونه سفيه
بالمختصر أصلك ذهب صافي ولاشيٍ معاه =وليا بغيت اشبهك مالك سوى حاتم شبيه
رد مع اقتباس
المفضلات