أسد علي وفي الحروب نعامة

السلام عليكم ورحمه الله وبركاته
قد تستغربون العنوان بعض الشئ وقد قصدت منه حال بعض إخواننا الشباب ؟؟؟
والقصد
بعض الشباب تعال شوف حاله في البيت بس معصب من يوم يدخل البيت وياويل اللي يكلمه ولا... لو أحد سأله عن شي قوم الدنيا وماقعدها .. مسوي فيها رجال على أمه وأخواته وياشين النفس.. ويبي كل شي جاهز وكأن اللي في البيت خدم ماهم أهله والمصيبة ليته يتكلم بأدب تعال شوف الألفاظ اللي ينادي فيها .. والله يعين أحد يطلبه يروح مشوار يجلس يغث القلب عشان يوافق لا وإذا شاف أخته جالسه على التلفزيون ينكد ويتهاوش (شوفوا الحركات)الين ماتطفش وتدخل غرفتها وهي تبكي منه وياويلها ترادده يضربها .. وإذا لقاها جالسة على النت يسوي سالفة وايش تسوين وعلى اي موقع وتطفيش الين مايخليها تعاف الكمبيوتر ..وإذا تدخل الأب والأم يلقى ميه عذر وعذر لا يروح من وراهم يهدد أخته " والله أوريكي بسيطة يا......" انتم عارفين طبعا الكلام اللي بيقوله أبو الشباب ..وشوفوا لو رن التلفون وحده تبي أخته يصرف على طول وأخته المسكينة ماتقدر تكلم وهو موجود ياويلها ..
أما إذا اتصل عليه واحد من أصدقائه ياسلام على الذوق والأدب اللي ينزل عليه والألفاظ ماشاءالله راقية ومؤدبه ..
.... واذا خاطب تعال شوفوا الرقة والنعومة اللي يكلم فيها خطيبته ..
طيب سؤال ليش حال أغلب شبابنا كذا ؟؟
المعاملة في البيت مع أهله عدم ومع الناس شي ثاني ؟؟
يعني أسد علي وفي الحروب نعامة ..
هل هو مرض نفسي وإلا ازدواج في الشخصية وإلا انفصام في الشخصية وإلا حركان سخيفة ولا يقدر يطلعها الاعلى اللي في البيت لأنه لو سوى كذا ماأحد راح يتحمله ...
اعذروني كتبت الموضوع باللهجة العامة عشان اكتبهابالمنتدى العام .. لا امزح ..
ما رأيكم بهؤلاء الشباب ؟؟؟؟؟؟
تحياتي للجميع
مــــــاســـه

فيه بس أعتقد انهم قله.
وترى فيه من البنات منهي تطلع الواحد عن طوره.
وأغلبهن مدلعات .
أخوها مايقول لها جيبي شاي.
قالت ماني خدامه عندك.
وعلى طول تفرك عند البابا.
بالله ذا رد
لكن الوضع على الكل .
بس ممكن الظروف الخارجيه تساعد.
يعني يجي الشاب من خارج البيت ممكن تكون صادفته مشكله ومزاجه معكر وحيله مهدود. تجي الأنسه(اخته) وتقول يالله ودينا نبي السوق.
يقول المسكين خلوها بكره. ترد عليه. لو وأحد من أصحابك طالبك ماترده.
وبكذا يبدى الفلم.

لكن فيه شي يحير. الشاب أو البنت تتغير معاملة الأهل من أب وام واخت .بس اذا تزوج.
طيب ليش مو من قبل ؟؟؟؟


مشكورة وتقبلي رأيي برحابة صدر.
دمتي في سعاده
الجريح

الأخـــــــــــت "ماســــه"

موضوع جدير بالنقاش .

فعـــــــــلاً هذا حال شبابنا مع اخواتهم فرد للعضــلات على أتفه الأمور .


أتمنى من الإخوان التفاعل لأهميــــة الموضوع .


شكراً لـ كاتبــة الموضوع

.

فعـــــــــلاً هذا حال شبابنا مع اخواتهم فرد للعضــلات على أتفه الأمور .

أخي الغالي محمد

هذا حال البعض وليس عموم الشباب


أختي / ماســة

كما ذكرتِ فهذا حال البعض ليس على العموم والإطلاق

وأي شاب ما فيه خير لأهله ما فيه خير للناس

الأهل أولى بالمعروف من بقية الناس

الفتى العصباني شكرا على مرورك على الموضوع
قلبي الكر شكرا لك على مرورك وأسعدني رأيك
تقبلوا تحياتي
مــــــأســـه

تسلمي مااااااااااسه

الله يعين هالاخوات اللي عندهن هالنوع من الاخوان

بصراحه
الحمدلله أخواني أكبر مني ومدلعييني حيل

ولاكن اسمع من بعض الاخوات والجيران
عندهم هالنوع من الشباب الفاضي

الله يعينهن بس
اليوم لأخ
بكره الزوج
بعده العيال
الله يصبرنا عليهم ويساعدنا
النصيحه لمن تعاني
هو الحب والاحترام
وان تكون له الاخت الوفيه وتحفظ اسراره ماهو تهدده فيها
أخبر ابوي ....اخبرأمي
واذا طلب منها شي تقول له من عيوني خيو
وهالكلام الحلو
بصرااحه
والله عندي اخ من الرضاعه أنا أقرب له من أخواته من امه وابوه
يقول لي أسراره وعرف عنه كل شي

قبل زواجه طبعا