حفل الملكة في فندق

ليش عندنا يابلي الزواج مكلف جدا مقارنه بالقبائل الاخرى الملكة في فندق والعرس اللة اعلم
هل اختفى دور اب البنت تماما ام العريس ينقاد مع اذنة وغصب عنة وللاسف تلقى العريس طفران
ويحط على نفسة من هالديون وتتعدى تكاليف الزواج اكثر من 120ريال وش السبب ياخوان هذه الظاهرة منتشرة عندنا عند ربعي بلي اللة يعزهم ليش مافية تحديد للمهور ليش مافية زواج جماعي انا واللة اتمنى ان يكون هناك تخفيف على الشباب في الزواج ونترك المظاهر اللي ما لهاداعي

لا تعليق


تبغى البنيه تزوج بليات مهر

أنا أسألك ما رأيك برجال تركوا قيادة الاسرة والتحكم في جميع الامور برضاهم أو غصب عنهم للنساء وما أدراك ما النساء من حسن التصرف وبنتي ابي زواجها مثل بنت فلان وعلان وابغى زواجها أحسن زواج وهاتك يا العريس المسكين والمغلوب على أمره يدفع بس وما يدري الا بعد انتهاء شهر العسل انه مديون وفقري بعد والسبب هالبنت اللي تزوجها يا أخي روح تزوج سورية بعشرين الف ولا احلى امزح.........

بس تستاهل بنت بلي ما يغلى عليها شي

ماهي بضاعه هذا زواج أخوي

كلام صحيح وصريح .
أحينآ المهر لايتجاوز الثلاثين وهذا شيء معقول وُمتواضع.
ولكن توجد أشياء البعض يراها بسيطه وهي ُمكلفه.
وصراحه ماهي الا بريستيجات فاضيه.

تجد البنت ماترضى بأي دقاقات لزم من جده وبسعر الفلاني .
والفستان مايقل عن خمسة ألاف هذاي نعتبرها متواضعه.
والمصوره استغربت كثيرآ حينما علمت بأن عدة صور معدوده بسعر ثلاث ألاف ريال بعد الخصمه.
شي وربي حقيقي مومُبالغه.
الحلا والمكسرات والعصيرات والقاتوهات والفطائر.
الحريم يزرطن من هالنعمه لا وبعده العشاء مدري ذي بطون ولا قدور.<ماصدق يلقى موضوع يطيح بالحريم.هههه
والذهب ورضاوت ام الدلوعه ويشتري تريله كامله قطع لكل الجماعه من الحريم.
وبعدين قبل كل شي الملكه أصبحت زواج .
يعني قصر ودقاقات وكل شي يعني وربي مافيه فرق.
بعدين بعد ذا كله يبدأ المسكين المغلوب على أمره بتأثيث البيت والمحترمه مو أي أثاث يملى عينها.
وبعدين القصر والشعار الذبائح.
يعني بختصار وبدون مبالغه لا حد يفكر بالزواج الا عنده ما لايقل عن 140ألف ريال .
والانسه بس ماغير تتكشخ عند الكوفيره مره تسوي بروفه ومر تعدل ومر مسافره للفستان ومره ومره .....
والله راح تحصل وقت الأجازات زحمه على طبيب التجميل والبشره طبيب(الجلديه عامه)
وبعد الزواج لزم أنواع التمشيات حديقة الشلال شي مفروغ منه.
لزم زيارة الاهرامات
طبعآ ذا كله بعد ماتدوخك بمناطق المملكه( الجنوب.)
وزين اذا رضية بالدول العربيه.

أسف على الأطاله بس واحد مقهور.
هههههههه