قصيدة دخول مسابقة فارس الصحراء(لقب فارس)
بديت القول ذكر الله سبحانه هو المنان=سبحانه أله الكون خلاقي وانا أدعو له
بعدها ياشعر هيا تهيض حان وقتك حان=نزلت لفارس الصحراء وكرريازمن جوله
دعاني دافع احساسي مع الشعار للقيفان=عشقت بيوتهابدري من الابداع مرسوله
عشقته والعشق بلوى على همسة عويد الزان=يترجم قمة احساسي من الموقف ومفعوله
مشاعر عند شاعرها تجلد داخل الوجدان=أذا هلت معانيها كما الودان وهطوله
وجودي مطلب النوماس واشارك مع الاخوان=انا راضي بمقسومي في علم الغيب مجهوله
جزا الله راعي الفكره عطاه الخيروالاحسان=عطاه الله من فضله واحيا افكار مقتوله
لقب فارس لقب يعْرب من قحطان الى عدنان=شروط الفارس المعنى قبلناها ومقبوله
لقب فارس يذكرني بطولة قايد الفرسان=أخو نوره ولا غيره على الفرسان به طوله
ابو تركي موحدها على التوحيد والايمان=صحيح الفعل لأرجاله يدوم ولا بها قوله
لقب فارس ترى يطلق عاى ثله من الشجعان=ردي الحظ من هابه ولا جابه ولا حوله
لقب فارس يذكرني رجاجيلاً مثل راكان=على طيب النباء يذكر مع العربان منقوله
أنا شاعر بعد رامي بعد فارس تعلى حصان=على صهوة جواد الشعر اذا فزت بنا خيوله
أغنيها على المهره وأنا حادي مع الميدان=تجيني في معانيها كما عذراء ومخجوله
سبحت بحوره الجمه ولا زال البحر ضميان=رويت ولا رويت ابداع من شلال هملوله
أصون الشعر وأصونه مذمه لا حشى ما بان=ولا أترك غضب شعري يرمي بالزهر توله
ولا أحسد انا مسلم حرام الحسد والبهتان=أحب مرافق الطيب افز وانتهض طوله
أنا ما أنصاع لغروره ولا أطرق به البيبان=ابد ما احرم انا مبدع من الابداع ووصوله
ولا انقد انا شاعر ولا اجرح شعور انسان=ابد ما طاوع القشراء على الايمان مجبوله
ولا امدح انا ممدوح في مدحه بعض ما كان=ولا اجعل حقوق الغير عند الغير مكفوله
كرامة شاعر اشعاره اذا غنوا بها الركبان=هويه بصمته فيها مع العربان مدلوله
انا امثل وطن غالي وطن يسمو على الاوطان=على الاسلام منهاجه نظام الحكم والدوله
اجدد بالولاء عهدي لأبومتعب معه سلطان=لهم منا وفاء بيعه والبيعات موصوله
انا فعلي يمثلني مع الميدان يا حميدان=مثل مقيول من قبلي مثل من قال وأقوله
بعد تمت صلاة الله على من كمل الاديان=على محمد نبي الله حبيب الله ومرسوله
رد مع اقتباس
المشاركة الأصلية كتبت بواسطة ثامر ظميان البلوي
المفضلات