مازلت مصدوم حتى الان

والله يااخوان اني مازلت ماني مصدق حتى الان ان راشد طلع من المسابقة ويعلم الله
كم احزنني ذلك وكاني انا اللي خرج من المسابقة مسابقة شاعر الملعون وليس المليون
اعذروني على الالفاظ لكن اللي حصل يخرج الواحد من طوره والا البكايه اللي اسمه هزاع
افضل من راشد في ايش بس علموني افضل من راشد في ايش والله لا شعر لا القاء ولا شي
لكن هم يبغون السنة هذي البيرق اماراتي غصب عطوهم اياه وريحونا ولاتتعبونا ولا تخسرونا
مع ان تصويتنا لراشد ماهو بخسارة وجعله مو فدوة له جعله فدوة للرجوله لكن القهر والغبنة
ماتتصورون قد ايش انغبنت والله يعلم وايش اللي في صدري




لكن راشد كسب محبة الجميع واولهم انا يشهد علي الله انه اعده واحد من اخواني من طلع
في البرنامج وازداد حبي له بعد تعرضه للضلم الجائر من اللجنة اللي ذكرتنا باللجنة حقة الامم
المتحدة اللي عمرها مااعطت كل ذي حق حقه ومااقول غير هنيئا لكي ياقبيلة بلي بهذا الشاعر
الفذ ويخسارة شاعر الملعون اللي افضل حسناته انه عرفنا في هذا الشاعر الكبير والكبير كبير
ياراشد


رساله لك يارشودي
لا يهمونك ولا تزعل نفسك انت احسن منهم صدقني ويكفيك محبة الجمهور لك من كافة ابناء القبائل وليس قضاعة فقط واخيرا واعتبرها طلب او امنية من احد اخوانك ودي اذا جيت للمنطقة الشرقية تنزل ضيف علينا وتشرفنا بجيتك واتمنا من الاخوان في المنتدى اللي يعرف راشد يوصله
الرسالة والعزومة لزوم يالربع تكفون ولكم جميعا الشكر والتقدير مع التحية

اخوك اسامة مبارك الجهني

شاعر المليون مجرد برنامج اما راشد البلوي دخل قلوب الملاييين ماعليك ياراشد ولا تشيل هم
فعلا صدمه ولا دريت الا منك الان الا ان راشد دخل قلوبنا ونحن بالقصيم بقبائل عديده منها الراجحي والهذلول والحصان وغيرهم لذا لا تشيل هم ونعم المعرفه بك وبقبيلتك.

راشد يبقى راشد ومن الراشدين
وماهي الامجرد مسابقه ظهر من خلالها
وعمل خلخله فكريه لكافة الشعراء وعلى رأسهم
لجنة التحكيم بدكتورها هذه مجرد مسابقات والشعر
لا يوجد له حكم الا الشعر

يعطيكم العافية اخواني على الردود
ونتمنى من الاخوان في المنتدى يزودونا باخر اخبار شاعر قضاعة
ودمتم بود

أصلا شاعر المليون لايعتبر برنامج يقيم الشعر ولا يقيم أصحابه وأصلا لو تمعنت في لجنة التحكيم لوجدت أن رؤوسهم هم الدكتور والعميمي كنقاد أما باقي كمالة عدد ...

وهذا البرنامج ليس برنامج شعري بل برنامج إستثماري بل من قيمة التصويتات يحصدوا الألوف بل الملايين والجائزة المليون هي من تصويتات الناس .. وراشد شاعر أبا عن جد بدون هذا البرنامج وأفضل من هزاع الشريف لأن الشريف ليس في قصيده إلا زايد والإمارات فلهذا نجح 0

الحسنة الكبرى في هذا البرنامج انه عرفنا بهذا الشاعر الفذ

والا خروج راشد مايعني لنا الا انه خرج من شاطىء الراحه وتمركز في قلوب الملايين من محبية واننا نفتخر به ونفتخر بماقدم لانه قدم مايرفع الراس وخرج وهو مرفوع الراس

ولاصار مثل بعض الشعراء الي شاركوا لغرض المشاركه


راشد شارك وابدع وقدم مايرفع الراس وكل من شاهد راشد وسمع ماقدم ميقن كل اليقين انه افضل المجموعه الى معه وانه المستحق بالدرجه الكبرى

لاكن اللجنه اثرة الا ان تجام من هم وراء البرنام










[MOVE="up"]كلنا راشد للابد[/MOVE]