حصرياً لمنتدى بلي..(ياهيه)
ياهيه هدّاللعب لا تاصل الحد=ويصير مالا تحمد النفس عقباه
ماعدت افرّق بين مزحك ولا الجد=وشفيه قليك تالي الوقت وش جاه
كنت بغيابي تحسب الوقت وتعد=وتعيش همٍ طوّل الليل مسراه
وتقول وينك ياحبيبي متى ترد=شوقي تزايد داخل القلب واضناه
وآقول صبرك كلّها ايّام وآرد=ونعيش وقتٍ جدد الحب ذكراه
ومن وقتهاوالقلب عزّم له يشد=عجّل بركبه واعتذر من حناياه
وجيته بشوقٍ شايله له من بد=هالعالم اللي مابها حد يسواه
واثري قليبي مخطي بناتج العد=عجّل حسابه بالمحبّه وغلّاه
ومن يوم قفّى عن عيوني وأبعد=وآنا ارد القلب واعصاه وانهاه
وكنت احسب اني لا تقفيته يلد=ويصيح عوّد هجرك اليوم مقواه
وياضيقي اللي من سبب خوفي احتد=والبعد سيفٍ لا ضرب قلبٍ ادماه
وماهي غريبه اصفق اليد باليد=لا صار حضّي عارضٍ لي مقفّاه
مبطي وانا احلامي عليه تبدد=ما من جديد إن شفتني ازفر الآه
ياهيه وقّف من قبل تنوي الصد=عندي كلامٍ لا زم الحين تقراه
للحب دمعه صادقه تروي الخد=تنبت ورودٍ صافي الشوق تنداه
شاطي الفراق بجيتي صابه المد=وجزر الوصل من بيننا كف يمناه
لكن بسيطه جالك العلم والرد=ما كل رجلٍ تسحب (إ)يديك مركاه
كبوة جواد اللي حصلت لي وانا قد=اقسى ضروف الوقت والصاحب افداه
وارجع واقول إن كنت ناوي على الصد=عندي كلامٍ لا زم الحين تقراه
إن كان ودّك تجرح العين بالبعد=روّح مراح مقيط في مدّة (إ)رشاه
رد مع اقتباس
المفضلات