يالهاجوس النداوي
يالهاجوس النداوي والعيون السواهر=سطري لي حروفاُ يطرب الي قراها
ودي أنقش حروفي مثل نقش الجواهر=لجل أماري رجالاُ عالياُ مستواها
دام عندي خيال أبداع والصوت جاهر=والله أني لوصلها الى منتهاها
والله أني لعمرها عماير عماير=لين أهوم الثريا واصل الي وراها
من سلايل رجالاُ ماتهاب المخاطر=سقم عين المعادي جنتاُ لقصراها
والله أني لماري بالنشاما وافاخر=واذكر أمجادهم بين العرب واتباها
عزوة ماتهاب الموت والكل خابر=يوم فعل اليماني للرجال ايحماها
لاتناخو هل الحيزا حمر النواضر=تيبس أرياق طراد الطلب في جماها
كم جموعاُ خذوها واشهب الملج ثاير=وكم هنوفاُ على ابوها تزايد بكاها
جابو الصيت والطولات في فعل باهر=يوم بعض العرب عينه قصيراُ مداها
لاكن اليوم كلاُ يفتخر وايتفاخر=جدي الي لجوه القوم قام وصفاها
والعرب خابرينه مسكنه بالمواعر=وراس ماله عصاه وشاه يركض وراها
خابرين الرجال أهل العلوم النوادر=وخابرين اللحايق والعرب ماخفاها
وان تناسو فتحنا المزوده والدفاتر=تظهر الخافيه والكل عينه تراها
وان بغوني عن التاريخ أدرس واحاضر=جبتها من نهايتها الى مبتداها
سالفه قلتها بالصوت فوق المنابر=والرجال الفهيمه عارفه محتوها
جبتها من صدوق القلب بأحساس شاعر=قبل ينطق حروفه عارفاُ محتواها
عزتي راس مالي والنشاما مخابر=أتعزوى بربعي واتذرى ذراها
وان دعوني ربوعي قلت لبيه حاضر=ماتغاضى الرجال الي ينومس نباها
في بلي عزتي أصغارهم والآكابر=يوم كلاُ أيماري بالرجال ونقاها
يالعل النشاما بيتهم دوم عامر=وكل نفساُ تبى الطولات تلحق هواها
واليالي مدارس لاكن الوقت ماكر=والرجال الفهيمه ماتبيح خفاها
قلتها من هجوسا بالخطا ماتكابر=ياعساها تحوز أعجاب منهو قراها
رد مع اقتباس
المفضلات