يمه مريولي توسخ

قصيدة قرأتها وأعجبتني
ان شاء الله تناال اعجاابــكم ..


يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمـــــــه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..

تكفين يمه بكرى اصحي ..
تكفين يمه بكرى ارجعي ..



...


...

ابكتني القصيده
بجد حزينة
الله يخلي لناا امهاتنااااااا يارب
واللي أمه متوفيه باب البر مفتوح بالدعاء لها والصدقة عنها وغيرها من أبواب الخير .
امين


ودمتم بود

[size="5"]من جد تبكي اللي قلبه حجر

مشكلت الكثير من الابناء مايعرف قيمة
الأب والأم الا بعد الموت والرحيل الذي لا رجعة فيه

نصيحه دام والديكم فيه بروهم بشت الطرق قبل فوات الأوان
اذا كبر الوالدين فأنهم يرجعون كالأطفال يجب الأعتناء بهم[/size]

اشكرك على ماتفضلتي به اختي

بالفعل كلماتها مؤثرة و ما أصعب فقد الأم..!!

حفظ الله لنا أمهاتنا ..

و شكرًا لكِ أختي الغالية .