حنا بلي
السلام عليكم ورحمة الله وبركاته
حنا بلي لجاء نهار العـــــــزاوي&&& تاريخنا يعرف قبل ســــــالم الزيـــر
وقت الملاقى اعمارنا ماتساوي&&& في الماقف الصامد سيوفٍ بواتيـــر
يوم القبايل رزقها فالغـــــزاوي &&& بلـــي بلـــــي يامحتمين المغاتيـــر
على المهار المكرمات الغلاوي&&& عقب الاهل ماهن شراوي من الغير
لاقامت الهيه ونـــادى اللحاوي&&& تاقف بلــي في صف واحـــد طوابير
عــدونا نسقيه ســم البـــلاوي&&& وقصيــرنا محشوم مـايجـيـه تقصيـر
الطـيـب عـنـا ينقله كـــل راوي&&& والضيف لــه حشمه وقيمه وتقديــر
الراي واحد في طريق التساوي &&& نتبع طــريق الحــق ونســاير الخير
واللي يجنب مع طريق الملاوي&&& لانحسبه مـنـا ولاشي مـخــــاسير
صغيرنا على المعادي صطاوي &&& وكبيــرنا سطـــر لنــا المجد تسطير
عقب النداوي جاك مثله نداوي&&& لاصــف جنحــــانه يصيــد النــــوادير
صيده من الندر بعيد المناوي &&& لاهــد مـن صــوته تطيـــر العصـــافير
وحنا عيال صقور والعلم حاوي&&& بلـــي بلــــي نعرف بوقت المعاسير
وكل القبايل نعم والذيب عاوي&&& مـنـا مشاهيـــرٍ ومنـهم مشاهيـــــر
يومٍ كلٍ فـــــالمدايح رهاوي&&& مــدحي لـــربعي عــــــز ماهي معاذير
والشاعر اللي في قصيده نحاوي&&& مثــل القلـيـب اللـــي بليا مصادير
الشاعر: نـــــــــــــــــــــــــــــــــداوي الشــــــــــــــــــمال
رد مع اقتباس
رد: حنا بلي
المفضلات