ياشباب تعالو شوفو (العـجوز ) ولكعاتها ..ان كيدهن عـظيم ..!
كان فيه حـرمه عجوز قاعدة بروحها بس ماهي ( ام عبدالله ولا هي الرواسي ) هههههههه
وفجأة طلع لها ابليس ……(يبي يتحرش )
العجوز خافت وسمت بالرحمن …قالها
ابليس :أنتي يا عجوز هل تعتبرين نفسك داهيه؟؟؟؟
العجوز نعم أنا داهيه ….. والنساء عموما كيدهم عظيم < شهد شاهد من اهلها هههههه
أبليس أنا أتحداك……..وبنشوف مين كيده أعظم …..المرأة ولا أبليس
العجوز :خلاص أنا اسوي مشكله وأنت راح تحلها واذا ما قدرت أنا راح أحلها
ونشوف من يكسب التــحدي
قال أبليس:Ok نشوف يآلـ ع ـجـوز
راحت العجوز لـواحد من الي ماهم متوضفين اللي ما عندهم شغل ويا كثرهم
وقالت له أنا بشغلك عندي فترة معينه بس……. اذا تبي فلوس لاتسأل عن شي ولا
تتكلم .(وافق الشاب لأنه طفش من البطاله ويبي فلوس ). < الله يعين استغلاليه العجأيز هههه
راحت العجوز ومعاها الشاب لمحل قماش وقالت له أنتظرني عند باب المحل ولا تتحرك
دخلت المحل وخذت قماش غالي وراحت تكاسر(يعني تبي تـخفيض)<عوايدهن هههههه
العجوز: رخص يا بن الحلال …
التاجر :اذا أنتي ما عندك فلوسخـذي شيء أرخص
العجوز : ما أقدر ….لازم ولا يصير شيء ما صار يآولـدي
التاجر :ليش ؟؟ …..لهالدرجه …..شسالفه؟؟
العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه
ولما تتطلق من زوجها …ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس
بيتي ولكني غلطت وكتبته بأسمه(العجوز تبكي)
التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يعـوضني ويأجـرني
العجوز طلعت مستانسه وقالت للـ الشاب روح البيت
بعدها راحت العجوز لبيت( زوجة تاجر القماش) وطقت الباب وطلعت الزوجة
العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح
خمس دقايق .
رحبت الزوجة ودخلتها وأكرمتها وجابتلها شاي
العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.
الزوجة:حرام نست قطعة القماش …أكيد بترجع بعد شوي وتاخذها
بروح أحطها بالدولاب..
تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ..وتفآجأ بقـطعة القماش الي هو باعها
وعرف أن المرأة اللي يبيها ولد العجوز هي زوجته يعني تخونه
قام عليها وضربهاا وطردها بالشارع بالهدوم اللي عليها.
العجوز كانت تنتظر هاللحظه في أخر الشارع فراحت لها تركض
العجوز: وش فيك يا بنيتي ليش تبكين؟؟؟
الزوجه : زوجي طردني …وما عطاني فرصه أتكلم .
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في غرفه ثانيه وحـذرته
انه مايطلع من الغـرفه الي هـو فيها .
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه حـرمه وقعدوا ببيتي حاولت أطلعهم ما قدرت (أحتلوا بيتي )
ذهبت الشرطه وقبضت على الشاب والزوجه ….وطشوهم بالسجن.
العجوز: ها ها وش رايك( يا أبليس ؟؟) دورك اللحين حل المشكله
أبليس : لا لا ما أقدر أحلها السالفه تشربكت مــره كيف بحلها .؟
العجوز: أنا راح أحلها وكأن شيء لم يكن . وراح أكسب الرهان
راحت العجوز تزور الزوجه بالسجن وقالت لها :أنتي ساعدتي مرة
وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك.
الزوجة:مشكووورة ….لكن أنتي ؟؟؟
العجوز: مالك شغل مثل ما طلعتك بطلع نفسي.
تمت عملية الهروب بنجاح….
القاضـي أمر الحراس يحضرون المسجونين عشان يحكم عليهم
حضرت العجوز والشاب وقال لهم القاضـي :ليش قابضين عليكم وشو مسوين؟؟
ردت العجوز:احنا ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن .
عصب القاضي وهزأ الشرطه وما عطاهم فرصه يتكلمون ويقول:غلطانين وتبون تتكلمون.شين و قوات عين
طلعت العجوز من السجن مستانسه وعطت الشاب فلوس وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من
كثر التعب نست القماش عندها وأن زوجته بريئه
وقالت خذ قماشك لأن ولدي سافر هو و زوجته الجديدة.
رجع التاجر زوجته وتأسف منها و راضاها بعد.
العجوز : وش رايك( يا أبليس) أنا فككت السالفه سهله
أبليس :عـز الله انـكن مصايب وان كيدكن عـظيم ههههه.!
وش رايكم ياشباب .. من الي كيده عظيم ابليس والا العـجايــز ههههههههه
.gif)
رد مع اقتباس
رد: ياشباب تعالو شوفو (العـجوز ) ولكعاتها ..ان كيدهن عـظيم ..!
المشاركة الأصلية كتبت بواسطة بلويه والعز و الفخر ليه
المفضلات