قصيده مهداه من شاعر المعنى سالم القرعوطي

هذه القصيده وصلتني من الشاعر سالم بن صالح القرعوطي
مع شكري وتقديري للزميل الراقي شعراً وأدباً

يقول من عدى برؤس المراقيب
واحفى رجوله فوق راس الطويله
راحت هواجيسه لفكره مناديب
تطرق له البيبان في كل ليله
سلام مني يا هلا العز والطيب
يا أهل الكرم وأهل البيوت الظليله
ا أهل المواقف يوم حام اللواهيب
يشهد لها الميدان بالمستحيله
نعم! بهلا الحيزا وهم المواهيب
0قبيلة يا حيها من قبيله
تاريخها سطٌر لا شكٍ ولآ ريب
يوم القوامه بالسيوف الصقيله
بدروبهم يا ما شبع هامل الذيب
يوم المدافع في خشوم الفتيله
ماضي يشابه ماضي الزير وكليب
وعنتر وابو زيد الهلالي وجيله
من دون نقصٍ في النشاما ولا عيب
00كلٌ مع الأيام حصٌل حصيله
والعز يفخر في حصان الأطاليب
اللي مع الطرقات ما طاح حيله
يا بن زرم قلبي تشده لواليب
والكبد من مر الليالي عليله
وانا علياتطلع الشمس وتغيب
0والهم في قلبي مخيم نزيله
وأخذت من دنياي عدة تجاريب
وقست الزمان وشفت عدله وميله
وقت الرخى نلقى يا كثر الاصاحيب
0ووقت اللوازم تصنع الفين حيله
جار الزمان وبين براسي الشيب
0والوقت لانه جار من يرتكي له
الا الرجال اللي تحل المناشيب
ومتونها تقوى لشيل الثقيله
وختامها مني بزين المكاتيب
ألى اهل المعروف واهل الجميله

أرويتنا عذوبه بهذهـ القصيدهـ الجزله . .

صح الله لسانك ولسان شاعرنا الجزل سالم القرعوطي

ونحن بأنتظار جديد شاعرنا لتتحفنا به

أطيب المُــنــى ،،

سلمان العرادي

مع التحيه
لقد تعمدت وضع قصيدة الشاعر
الرائع والمبدع /سالم القرعوطي
لوحدها لتاخذ حقها من الاطلاع
والمتابعه قبل وضع ردي عليها
قريباَ انشاء الله
وتحياتي للجميع

*صح لسان الشاعر المبدع /سالم القرعوطي..

ورائعة من رائع

والشكر موصول لك يالغالي/سعد*

*ولكم فائق تحياتي،

وتقديري،وعطر مشاعري*

*(وعلى المحبة نلتقي)*

***

مسا الخير يابو نادر

صح لسان الشاعر وبيض الله وجهك ووجهه

والنعم يستاهلون المدح هل الحيزا المواهيب هل العلم الطيب

تحياتي لك وللشاعر

تسلم اخوي سعد
صح لسان الشاعر وبيض الله وجهك ووجهه
نقل جميل
وقصيده جميله
ولك الموده
واسمح لي بنقلها للمكان المناسب