( احساس شاعر )
ياقلم إكتب حروف بداخلي بإحساس شاعر= ترجم شعور الألم واكتب من الواقع قصيــدة
ياقلم دوِن سطـور من الحزن وسط الدفـــاتر=وإشرح اللي في ضميري واكتب بيوتاً جديـدة
جيت شاعر تحتويني كل إحاسيس المشاعـر=جيت لاكن من حياتي صارت اشعوري بليدة
جيت من رحله طويله تايهاً والحــظ عاثر=جيت أدور في بقايا دنيتي لحـظة سعـيـدة
أظلمت كل الحياة بناظري والطرف ساهر=ماهتنيت بإلذ نومي وماهتنى قلبي بعيدة
صرت اجامل كل ناسي وبالسعادة اتظاهر=مادروا عن حالة اللي يمشي الهم بوريدة
صرت احاول أرسم الظحكه وبهمومي اكابر=وابتسم رغم الألم رغم الظروف اللي عنيدة
طال صبري وإنتظاري ينتظر ياشمس باكر= ينتظر شمس الأمل تشرق بالافراح الجديدة
للأسف دنيآي صارت قاسية والوقت غادر =وتلعب الدنيا على ماتشتهي واللي تـــريدة
تجمع تفرق تشتت تاخذ وتعطي تــذاكر=مبهمة للناس صارت مابها جملة مفــــيدة
ناس فيها تنـولد بالثانية وناساً تــغادر= وناس فيها تايهين وناس فيها مستفــيدة
وآخــر المشوار صرنا كلنا وسط الـمـــقابر= ننتظر رحمة الآهاً يبدي الخلق ويعـيدة
ويبتدي وقت الحساب وينبعث مسلم وكافر= يوم ذاك االموقف اللي ينتظر كلاً وعـيدة
والرجا بالواحد الفرد الذي لارآد قـــــادر=الآله اللــي خلقنا نعـبدة وحــنا عبيــدة
و ياقلم هذي مشاعر داخلي بإحساس شاعر=ترجم شعور الألم وأكتب من الواقع قصيدة
وسلامتكم
رد مع اقتباس
المشاركة الأصلية كتبت بواسطة محمد علي الخولي
المفضلات