قصيدتي في مسابقة (سلامة سلطان)والتي قد اختيرت ضمن اجمل مية قصيدة

المملكة حنا لها ستر وحدود=كلٍ يشوف اللمملكة مثل عينه
وطن عزيز وكلنا دونه جنود=باجسادنا وارواحنا محتمينه
نزرع وفاء بقلوبنا لاسرة العود=ويثمر غلا ماخالطته الضغينه
ال السعود اللي لهم كل مجهود= للشعب وتراب الحرم والمدينه
حنا لهم لاصار بالجو بارود=وبانت نوايا اهل القلوب اللعينه
جبال نبنيها من اجسادنا سدود=وارواحنا ترخص ولو هي ثمينه
ويارب يامنجي نبيه من الدود=مافيه غيرك يالولي نستعينه
تشفي لنا سلطان ياخير معبود=تشفي لنا طب القلوب الحزينه
مزبان من في دنيته حدته سود=من بعد ربي ماتجيه الغبينه
للضعف والايتام له مد مشهود= ومع الغطا وفر مساكن حصينه
كريم نابت في ثرى كفه الجود=وتسقي ثرى كفه عطايا يمينه
كنه مع الجزلات والخير مولود= تساوت اسنين الكرم مع اسنينه
غيثٍ الىانه مد من زود في زود=من كثر مداته تساون ايدينه
نطلب من المولى عسى الخيّر يعود=الغالي اللي كلنا محترينه

سلمت ياابو عمر وصح لسانك
قصيده قمه تستحق المنافسه على الجائزه
اتمنى لك التوفيق والى الامام
وتقبل تحياتي

بصراحه المفروض تكون من العشر الاوائل وليس من الميه ولاكن الدنيا حظوظ يابوعمر

تحية اخوي العقيص على مشاعرك الطيبة

وسرني مرورك

اخي الشاعر العذب / سلطان القنيدي

تحية من القلب على مرورك الرائع ولك اجمل التقدير

الشاعر / فالح السميري






صح السانك






نص جميل وأن شاء الله من الميه الي الاول





أتمني لك التوفيق





مودتي لك